Sleeping Queens

(19 umsagnir viðskiptavina)

3.150 kr.

Aldur: 8 ára og eldri
Fjöldi: 2- 5 leikmenn
Spilatími: 10 mín.
Höfundur: Miranda Evarts

Availability: Til í verslun

Vörunúmer: SPSS2-0235 Flokkur: Merki:

Sleeping Queens hefur unnið til fjölda verðlauna og er eitt vinsælasta barnaspilið í Spilavinum.

Pönnukökudrottningin, Maríuerludrottningin og tíu vinkonur þeirra hafa fengið á sig svefnálög og þú verður að vekja þær. Í Sleeping Queens keppast leikmenn við að vekja 12 drottningar sem eru spil sem liggja á grúfu á borðinu.

Kóngur vekur sofandi drottningu. Riddari stelur drottningu annars leikmanns — nema hann hafi dreka til að verja hana! Svefnlyf svæfir drottningu — töfrasproti stoppar svefnlyf! Hirðfífl fer í talnaleik! Töluspilum má skipta út með samlagningu!

Spil sem fullorðnum finnst flókið og börnum einfalt.

Aldur

Fjöldi leikmanna

, , ,

Útgefandi

Merkingar

Varan er CE merkt

Athugið

Varan hentar ekki börnum yngri en þriggja ára þar sem hún getur innihaldið smáa hluti

19 umsagnir um Sleeping Queens

  1. Avatar of Þorri

    Þorri

    Skemmtilegt spil sem gaman er að spila við krakkana, og þau geta spilað við vini sína. Ekki er verra að spilið laumar inn samlagningu án þess að gera hana að aðalatriði. Aðalatriðið er að vekja drottningarnar, eða ræna þeim af félögum sínum (eða verja þær með drekanum).

    Spilið hentar vel 7 ára og eldri (þó það standi 8+ á kassanum).

  2. Avatar of Kristín

    Kristín

    Drottningarspilið hefur verið uppáhaldspil fjölskyldunnar í meira en ár.
    Við höfum spilað svo oft að yngsti strákurinn okkar sem er næstum því 5 ára getur spilað án hjálpar.

  3. Avatar of Anna Karen

    Anna Karen

    Eitt af þeim skemmtilegustu spilum sem ég hef spilað. Auðskiljanlegar spilareglur

  4. Avatar of Hjördís

    Hjördís

    Eitt af uppáhalds spilum fjölskyldunnar. Maður þarf að hugsa, reikna en það gleymist í skemmtuninni.

  5. Avatar of Ásta Eydal

    Ásta Eydal

    Mjög skemmtilegt spil fyrir alla aldurshópa. Myndirnar á spilunum eru fallegar og börnum finnst þær afskaplega fyndnar, auk þess sem spilið æfir einfalda stærðfræði án þess að nokkur verði þess var.

  6. Avatar of María Þórdís Ólafsdóttir

    María Þórdís Ólafsdóttir

    Uppáhalds spilið okkar. Spil fyrir alla fjölskylduna.

  7. Avatar of Sigurrós Sandra

    Sigurrós Sandra

    Skemmtilegt og auðvelt spil til að spila við börnin. Þjálfar hjá þeim reikning í leiðinni

  8. Avatar of Hann Þórsteinsdóttir

    Hann Þórsteinsdóttir

    Þetta spil er mikið spilað á mínu heimili ásamt Too many monkeys og spil sem við fáum heldur ekki leið á. Það er tekið með í öll ferðalög og er skemmtilegt spil með einfaldri æfing í stærðfræði í leiðinni.

  9. Avatar of Guðlaug Bára Helgadóttir

    Guðlaug Bára Helgadóttir

    Við spiluðum þetta á spilakvöldi fyrir nokkrum árum og okkur finnst nauðsynlegt að grípa í það af og til.

  10. Avatar of Laufey

    Laufey

    Við mæðgur elskum þetta spil. Tökum þetta alltaf með i ferðalagið. Hjarta drottningin er okkar uppáhald. Við höfum spilað það upp i stigafjölda en þetta er svo skemmtilegt spil að það hefur lika verið spilað þar til allar drottningarnar voru búnar. Við höfum oft gefið þetta spil. Á að vera til á hverju heimili.

  11. Avatar of Kristjana

    Kristjana

    Ótrúlega skemmtilegt spil fyrir börn og fullorðna. Við fjölskyldan spilum þetta eiginlega á hverjum degi. 7 ára stelpan æfist í samlagningu og 4 ára barnið elskar að passa upp á að töfrasprotinn og drekinn séu notaðir 🙂

  12. Avatar of Erla

    Erla

    Þetta spil hefur verið ansi mikið spilað á mínu heimili frá því að krakkarnir voru litlir. Mæli með fyrir allan aldur.

  13. Avatar of Steinunn

    Steinunn

    Þetta spil er í miklu uppáhaldi hjá mínum börnum og við foreldrarnir fáum ekki leið á að spila það með þeim. Mjög skemmtilegt spil frá ca. 5 ára

  14. Avatar of Tinna

    Tinna

    Uppáhalds spil fjölskyldunnar þessa dagana. 7 ára stelpan okkar æfir sig í stærðfræði og við eigum góðar stundir saman.

  15. Avatar of Lára

    Lára

    Frábært spil fyrir alla fjölskylduna. Yngsti meðlimur hefur spilað það frá 4ra ára aldri. Auðvelt að spila og eitt skemmtilegasta spilið til þess að grípa með sér.

  16. Avatar of María Ásmundsdóttir Shanko

    María Ásmundsdóttir Shanko

    Virkilega skemmtilegt fjölskylduspil með 6-10 ára. Við höfum oft spilað það. Myndirnar eru líka mjög fallegar og hafa verið innblástur fyrir dóttur mína sem teiknar mikið.

  17. Avatar of Óskar Örn

    Óskar Örn

    Brilljant fjölskylduspil fyrir svona 7 ára og eldri. Höfum líklega ekki spilað nokkuð spil á heimilinu jafn oft og þetta, og þetta hefur líka ratað í nokkra pakka frá okkur.
    Varla spil sem fullorðnir setjast niður og spila saman (en hvað veit ég svo sem?) en fyrir blandaðan aldur er þetta fullkomið!

  18. Avatar of Ingunn Hreinberg Indriðadóttir

    Ingunn Hreinberg Indriðadóttir

    Skemmtilegt fjölskylduspil sem hentar ungum börnum. Það verður svolítið þreytt eftir nokkra umganga því spilafléttan er fremur grunn og gengur út á einskæra heppni fremur en strategíu. Fínt spil til að draga fram í fjölskylduboðum eða taka með í bústaðinn.

  19. Avatar of Daníel Hilmarsson

    Daníel Hilmarsson

    Virkilega skemmtilegt fjölskylduspil sem er auðvelt að setja sig inn og fljótspilað. Spila þetta jafnt með konunni sem og með börnunum og oft ég sem sting upp á því. Spilið er hannað 6 ára stelpu og er fullkomið fyrir 6-15 ára börn.

Skrifa umsögn

This site uses Akismet to reduce spam. Learn how your comment data is processed.

Þessi gætu líka hentað

Shopping Cart
;

Við notum vafrakökur (e. cookies) til að bæta upplifun þína á vef Spilavina. Með því að halda áfram samþykkir þú vafrakökustefnu okkar.
 

Vafrakökur framundan