Krummaspilið og 9 önnur spil í einum pakka!
Geta börnin safnað ávöxtunum áður en krumminn kemst í garðinn? Munu hrafnarnir komast í hreiðrin sín áður en garðyrkjumaðurinn rekur þá úr garðinum? Og hver býr til fallegustu ávaxtatertuna?
10 spil í einum pakka: Upphaflega krummaspilið og níu að auki, mjög mismunandi spil, meðal annars samstæðuspil, stokkaspil, spil þar sem börnin þreifa á hlutum, og teningaspil. Sterkbyggðir íhlutir úr tré og pappa.
Sandra Tryggvadóttir –
Uppáhaldspil krakkanna á heimilinu! Dóttir mín elskar að velja spil aftan á kassanum til að spila. Þetta eru mjög fjölbreitt spil, þótt þemað sé það sama. Spilin eru öll skemmtileg á ólíkan hátt og erfiðleikinn passlegur fyrir 3 ára og til a.m.k. 5 ára. Sum eru nógu einföld til að 2 ára sonur minn geti spilað með (með töluverðri hjálp samt) og sum eru svolítið krefjandi fyrir rétt tæplega 4 ára dóttur mína. Það var líka gott fyrir mömmuna (mig) að hafa svona fjölbreitt spil og þurfa ekki alltaf að spila sömu örfáu spilin aftur og aftur og aftur og aftur…
Ég myndi gefa 5 stjörnur en pakkningarnar eru óhólfaskiptar svo allt blandast saman og getur tekið tíma að finna til það sem þarf í hvert spil.