Skoðað: 70
Hive er klókt og skemmtilegt tveggja manna spil sem er ekki bundið af borði, og er hægt að spila á hvaða slétta fleti sem er — jafnvel utandyra. Í spilinu eru 22 flísar, ellefu svartar og ellefu hvítar, sem eru merktar skordýrum og áttfætlum sem hver hreyfist á sinn einstaka hátt.
Spilið þarfnast engrar uppsetningar, og hefst spilið um leið og fyrsta flísin er lögð niður. Hverri flís sem bætt er við er svo raðað upp við þær sem fyrir eru, svo flísarnar mynda leikborðið. Ólíkt mörgum spilum, þá eru flísar ekki teknar af borðinu aftur, og oft er þeim ekki öllum spilað út. Markmið spilsins er að umkringja drottningu andstæðingsins, og koma í veg fyrir að andstæðingur þinn geri slíkt hið sama.
VERÐLAUN OG VIÐURKENNINGAR
- 2007 Juego del Año – Úrslit
- 2007 Golden Geek Best 2-Player Board Game – Tilnefning
- 2006 Spiel der Spiele Hit für Zwei – Meðmæli
- 2006 Mensa Select – Sigurvegari
- 2003 International Gamers Award – General Strategy: Two-players
Stefán Ingvar Vigfússon –
Mjög skemmtilegt spil sem minnir um margt á tafl, en talsvert meira skapandi. Við eigum vasaútgáfu sem er frábær til þess að hafa með sér hvert sem er. Hive er ekki bundið við borð og við spilum það oft í innanlandsflugi, en höfum einnig spilað í lest og það er fullkomið til þess!
Klara Ingólfsdóttir –
Skemmtilegt spil sem er hægt að spila nánast hvar sem er, við eigum vasaútgáfuna og tökum hana yfirleitt alltaf með í ferðalagið. Tölum oft um pödduskák og er það nokkuð lýsandi fyrir spilið, þó finnst mér Hive skemmtilegra en skák.
Eidur S. –
Góður leikur sem fær mann alltaf til að hugsa. Í hvert sinn sem maður spilar uppgötvar maður einhverja nýja strategíu og eru sjaldnast tveir leikir eins.
Markmið leiksins er að umkringja býflugu kubb andstæðings síns. Þegar maður á leik getur maður annaðhvort bætt pöddu kubb við pödduklasann eða hreyft einhverja af pöddunum sínum, en hver padda hreyfir sig á ólíkan hátt. Bjallan t.d. getur hreyft sig ofan á aðrar pöddur svo þær geti ekki hreyft sig.
Minnir einmitt svolítið á skák, þar sem markmið leiksins er að koma ákveðnum leikmanni andstæðingsins í klípu.