Bekkjarkvöld

Bekkjarkvöld2018-09-29T00:41:27+00:00

Svanhildur að kenna spil.

Bekkjarkvöldin okkar eru gríðarlega vinsæl. Starfsfólk Spilavina er með mikla reynslu í að kenna á bekkjarkvöldum hjá öllum aldursstigum grunnskólans. Á kvöldunum kemur starfsfólk okkar með allskyns spil sem eru sérstaklega valin og henta fyrir hvern hóp. Við mætum í skólann til ykkar og erum með allt frá rólegum kænskuspilum til ærslafullra keppnisspila. Spilað er í klukkutíma þannig að allir ná að prófa tvö til fjögur spil um kvöldið. Spilavinir hjálpa til við að byrja hvert spil með því að kenna reglurnar og eru alltaf til taks til að aðstoða við spilin.

Á bekkjarkvöldum er algengt að foreldrar sjái um veitingar sem byrja um hálftíma áður. Þá þarf líka að gera ráð fyrir að hafa nokkur tóm borð svo hægt sé að stilla upp spilum og gera klárt á meðan þið klárið að borða. Spilavinir byggja á hugmyndinni um fjölskyldustund og spilakvöldin snúast um samverustundir með fjölskyldu og vinum.

Vinsamlegast athugið: Gert er ráð fyrir þátttöku foreldra eða forráðamanna á spilakvöldunum og við miðum við að það sé allavega eitt foreldri með í hverju spili.

Verðskrá bekkjarkvölda

  • < 29 nemendur: 16.500 kr.
  • 30-39 nemendur: 21.500 kr.
  • 40-49 nemendur: 26.000 kr.
  • 50+ nemendur: Hafið samband.

Einnig er hægt að fá að koma með bekk eða lítinn hóp í heimsókn í verslunina fyrir opnun.

Bekkjarkvöld utan höfuðborgarsvæðisins

Að sjálfsögðu erum við til í að hitta skemmtilegt fólk hvar sem það er búsett á landinu. Þau bekkjarkvöld eru eins, nema við þurfum náttúrulega að komast á staðinn. Verð á þeim kvöldum þarf að semja sérstaklega um.

Hafðu samband