Það er alltaf svolítið verkefni að finna rétta spilið fyrir einhvern. Okkur finnst það reyndar skemmtilegt verkefni. Við spyrjum spurninga eins og „hvað eru margir í fjölskyldunni?“, „eru börn á heimilinu?“, og „hvað finnst þeim gaman að spila, eða kannski púsla þau?“. Í langflestum tilfellum nægir þetta til að finna nýja uppáhaldsspilið þeirra.
Gjafabréf í Spilavinum eru fullkomin leið til að gefa yndislega samveru með vinum eða fjölskyldu.
Málið flækist hins vegar þegar verið er að velja eitthvað fyrir stóran hóp, eins og starfsfólk í fyrirtæki, því smekkur manna er misjafn. Sumir vilja spila þung spil og aðrir létt. Sumir eru með börn á heimilinu aðrir ekki. Svo gæti líka verið að einhverjir vilji púsla. Þetta er auðvelt að leysa með gjafabréfi í vefverslun Spilavina.
Þegar þú hefur verslað gjafabréf í vefverslun Spilavina, færðu kóða sem þú getur svo sent með tölvupósti, skrifað í kort, prentað á blöðru eða afhent á hvern þann máta sem þér hentar.
Kóðann er hægt að nota bæði í verslun Spilavina (og auðvitað í Spilakaffi), og líka í vefverslun Spilavina. Kóðinn er virkur svo lengi sem það er inneign á honum.
Hér getur þú sótt kort til að prenta út, ef þú vilt 🙂
Umsagnir
Engar umsagnir komnar