HILO er kortaspil þar sem hver leikmaður er með 3×3 spil fyrir framan sig og er að reyna að ná eins lágri heildarsummu spila og hann getur, með því að skipta út háum spilum fyrir lægri spil. Til að auka á spennuna þá skiptir liturinn máli. Því ef þú nærð dálki, röð eða skálínu í einum lit, þá máttu henda spilunum sem það mynda. Svo það gæti verið þess virði að halda í þetta háa spil til að reyna að ná heilli litaröð. Þessi regla gerir það líka að verkum að það skiptir máli hvaða spili hent er, því næsti leikmaður má taka það upp!
Spilið er spilað yfir nokkrar umferðir, þar til einn leikmaður hefur rofið 100 stiga múrinn. Leikmaðurinn sem er með fæst stig sigrar.
VERÐLAUN OG VIÐURKENNINGAR
- 2020 Spiel der Spiele Hit Karten – Meðmæli
- 2020 JUGuinho Families Game of the Year – Úrslit
Ingibjörg –
Frábært spil! Búin að spila það með hóp og líka tveggja manna, mæli frekar með því fyrir fleiri.
Soffía frænka –
Virkilega skemmtilegt spil sem reynir á útsjónarsemi jafnt á við heppnina. Við erum búin að spila þetta í “drasl” og flestir sem koma í heimsókn enda á því að fjárfesta í einu svona sjálfir.