Gaia Project er nýtt spil í Terra Mystica línunni. Eins og í upphaflega spilinu, búa 14 hópar á sjö mismunandi tegundum pláneta, og hver hópur er bundinn sinni heimaplánetu, þannig að til að vaxa og dafna þarf hver hópur að umbreyta andrúmsloftinu á plánetunum í kring um sig til að geta keppt við aðra hópa. Að auki geta allir hópar byggt á Gaia plánetum, og þvervíddarplánetum má breyta í Gaia plánetur.
Allir hóparnir geta þróað hæfileika sína á sex sviðum: Breyta plánetum, siglingafræði, gervigreind, Gaia-þróun, hagfræði, rannsóknum — sem leiðir til tækniþróunar og sérstakra bónusa. Til að framkvæma allt þetta hefur hver hópur sína sérstöku hæfileika.
Leikborðið er byggt upp af tíu svæðum, sem þýðir að uppsetning spilsins breytist í hvert sinn sem spilað er, og gefur spilinu því enn meiri endurspilun en Terra Mystica. Tveggja manna reglurnar nota sjö svæði.
Klara Ingólfsdóttir –
Topp fimm uppáhalds spilið mitt. Maður þarf að hugsa mjög langt fram í tímann til að geta náð sem flestum stigum því það þarf einhvern veginn allt að ganga upp til að ná stigunum. Maður þarf nokkrar umferðir til að undirbúa það sem maður ætlar að gera og það er það sem er svo gott við þetta spil, það má ekkert fara úrskeiðis, eða gleyma að hugsa út í einhvað sem þarf, því þá geturu ekki gert það sem þú ert búin að vera undirbúa og þarft að breyta planinu. Spilið er líka einkar fallegt á borðinu.