Spilakaffi

Spilakaffi er borðspilakaffihús, hið fyrsta sinnar tegundar á Íslandi, stofnað sumarið 2020. Spilakaffi er staðsett inni í hinni vinsælu spilabúð, Spilavinum, í bláu húsunum við Fákafen. Í Spilakaffi er hægt að setjast niður í notalegu umhverfi og njóta dagsins með vinum og fjölskyldu.

Boðið er upp á alla helstu kaffidrykkina, stórkostlegt úrval af tei frá Østerlandsk 1889 Copenhagen, laglegt úrval af bjór og óáfengum drykkjum í flöskum eða dósum, og auðvitað ískaldan bjór á krana (Happy Hour á milli kl. 17-20). Þar er hægt að fá sér eitthvað sætt með kaffinu, grillaðar Croque Monsieur samlokur og jafnvel gómsætan kjúkling frá Hananum!

Í kjallaranum undir Spilavinum er veglegur og stór spilasalur, eitt stærsta spilasafn landsins, og dásamlegt leiksvæði fyrir yngri börnin. Spilakaffi heldur utan um reksturinn á Kjallaranum, og býður gestum upp á að kaupa aðgang, hvort sem er út þennan dag, eða árskort sem gefur þér aðgang að Kjallaranum í heilt ár (auk 15% afsláttar í Spilavinum og 20% afsláttar af veitingum í Spilakaffi).

Kjallarinn er opinn alla daga frá kl. 11-22. Opnu spilakvöldin — með ókeypis aðgangi að spilasafninu — eru alla fimmtudaga á milli 18-22. Við mælum með að elta Spilakaffi á Facebook, þar sem við birtum upplýsingar um viðburði, bjórlistann og fleira skemmtilegt.


Árskort

Árskortin okkar veita þér aðgang að veglegum spilasal, einu stærsta spilasafni landsins, dásamlegu leiksvæði fyrir börn, og afslátt í Spilavinum og Spilakaffi.

Viðburðir

Bekkjarkvöld, PubQuiz, flóttaleikur, hópefli, fyrirtækjahittingur, gæsun eða steggjun, og margt fleira.

Sendu okkur tölvupóst á [email protected] til að fá meiri upplýsingar eða bóka viðburð.

Lúxuste

Hágæða te frá Østerlandsk 1889 Copenhagen, í glæsilegum málmdósum, í lausu og í pokum.

Shopping Cart
;

Við notum vafrakökur (e. cookies) til að bæta upplifun þína á vef Spilavina. Með því að halda áfram samþykkir þú vafrakökustefnu okkar.
 

Vafrakökur framundan