Spilakvöld

Bekkjarspilakvöld

Spilakvöldin okkar eru frábær leið til að hrista saman bekkjarfélaga og foreldra. Starfsfólk Spilavina er með mikla reynslu í að kenna á bekkjarkvöldum hjá öllum aldursstigum grunnskólans. Á kvöldunum kemur starfsfólkið okkar með allskyns spil sem eru sérstaklega valin og henta fyrir hvern hóp. Við mætum í skólann til ykkar og erum með allt frá rólegum kænskuspilum til ærslafullra keppnisspila. 

Spilað er í klukkutíma þannig að allir ná að prófa tvö til fjögur spil um kvöldið. Spilavinir hjálpa til við að byrja hvert spil með því að kenna reglurnar og eru alltaf til taks til að aðstoða við spilin. Á bekkjarkvöldum er algengt að foreldrar sjái um veitingar sem byrja um hálftíma áður. Þá þarf líka að gera ráð fyrir að hafa nokkur tóm borð svo hægt sé að stilla upp spilum og gera klárt á meðan þið klárið að borða.

Spilavinir byggja á hugmyndinni um fjölskyldustund og spilakvöldin snúast um samverustundir með fjölskyldu og vinum. Gert er ráð fyrir þátttöku foreldra eða forráðamanna á spilakvöldunum og við miðum við að það sé eitt til tvö foreldri í hverju spili.

Ef þig vantar frábæra skemmtun fyrir bekkjarkvöldið þitt, hafðu þá samband. Tölvupóstur: spilavinir@spilavinir.is.

Spilakvöld í versluninni

Spilavinir halda með tvö opin spilakvöld í mánuði í verslunni okkar. Annan og síðasta fimmtudag hvers mánaðar. Á spilakvöldunum spilum við hvað sem fólki dettur í hug enda erum við með mikið úrval af spilum til að grípa í. Spilakvöldin byrja kl. 20 og eru fram eftir kvöldi.

Allir eru velkomnir á spilakvöld Spilavina og þér er alveg að óhætt að koma þó þú náir ekki að draga vin með þér, það er alltaf nóg af skemmtilegu fólki. 
Það er alltaf fjör hjá okkur og við hlökkum til að spila með þér.

Við miðum þessi spilakvöld fyrir fullorðna en krakkar 12 ára og eldri í fylgd með fullorðnum eru velkomin.

ATH! Öll bekkjarkvöld í febrúar og mars eru uppbókuð. Enn laust í apríl og maí.