Viðburðir
Spilavinir hafa frá upphafi haldið alls kyns viðburði, bæði inni í versluninni og út um allt land. Spilakaffi — kaffihúsið í Spilavinum — heldur núna utan um alla viðburði sem haldnir eru í Spilavinum. Hér á síðunni getur þú séð hvaða viðburðir eru framundan í Spilakaffi, og neðar getur þú pantað þína eigin viðburði fyrir fjölskyldu, vini og fyrirtæki.
Ertu að skipuleggja viðburð með fjölskyldunni, bekknum, eða fyrirtækinu?
Frá stofnun Spilavina höfum við boðið upp á skemmtilega spilaviðburði sem koma til þín. Fyrst voru bekkjarkvöldin okkar, sem eru enn ómissandi þáttur margra í skólastarfinu. Svo fórum við að bjóða upp á fleiri tegundir af viðburðum, allt frá því að fá þitt eigið spilakvöld, hvort sem er fyrir fjölskylduna eða allt fyrirtækið. BarSvar er gott uppbrot fyrir fyrirtæki, og svo erum við í samstarfi við Flóttaleik, sem koma með flóttaleikinn upp á borð til okkar. Ef þið vijið sjá um skemmtunina sjálf, þá getið þið leigt bingóvél og fjölnota bingóspjöld hjá okkur.
Framundan í Spilakaffi
Borðspilavinir #15
9. apríl: Fullkomið tækifæri til að kynnast nýjum spilum og nýju fólki á skemmtilegum stað. Á hverju borði er valinn kennari sem leiðir ykkur í gegnum ákveðin spil.
Morðgátuvinir #3
13. apríl: Morðgátupartý er hlutverkaleikur þar sem þátttakendur bregða sér í hlutverk persóna sem hittast í Spilakaffi. Getur þú leyst morðgátuna?
Spunaspilavinir #23
16. apríl: Opin spunaspilakvöld þar sem fólk getur tekið þátt í skemmtilegu hlutverkaspili, heilli sögu, í eitt kvöld.
Borðspilavinir #16
25. apríl: Fullkomið tækifæri til að kynnast nýjum spilum og nýju fólki á skemmtilegum stað. Á hverju borði er valinn kennari sem leiðir ykkur í gegnum ákveðin spil.
BarSvar #29
26. apríl: Við leggjum undir okkur efri hæðina og spilum BarSvar (einnig kallað pub quiz). Alls kyns spurningar úr öllum áttum, myndagátur og fleira.
Hittingar
Hittingar í Spilakaffi eru óformlegir viðburðir þar sem nægir að mæta (engar bókanir). Á hittingum er frítt að spila eitthvað eitt ákveðið spil; fólk kemur með spilin sín og jafnvel kennir nýliðum. Hittingar í Spilakaffi eru frábær leið til að kynnast öðrum sem hafa áhuga á þessu spili, og jafnvel læra eitthvað nýtt.
Vilt þú sjá um vikulegan hitting? Heyrðu í okkur.
- Mánudagar: Magic the Gathering Commander. Hefst upp úr kl. 18.
- Miðvikudagar: Spunaspilahópar spila frítt.
- Sunnudagar: Go. Hefst upp úr hádegi.