Hið illa hefur yfirtekið höfuðborgina. Þar sem einu sinni var konungsríki, eru núna villilönd. Lögleysan ríkir í fantasíuheiminum. Þú þarft að hópast með öðrum til að lifa af, finna fjársjóði, og öðlast vegsemd. Leikmenn stjórna hópum sem hver er með einstakan spilastokk sem stjórnar eiginleikum þeirra á vígvellinum. Sumir eru bestir í langdrægum vopnum, aðrir eru einfaldlega nautsterkir, og enn aðrir treysta á samband milli persóna í hópnum; þetta gefur möguleika á margskonar leikstíl.
Spilið er hannað af verðlaunahöfundinum Martin Wallace, og er með allt sem þarf til að steypa sér beint í fantasíuheim Wildlands. Spilið er nógu einfalt til að taka taka stöku leik, en með nógu mikið af taktískum smáatriðum sem draga mann aftur og aftur að borðinu.
VERÐLAUN OG VIÐURKENNINGAR
- 2018 Board Game Quest Awards Best Tactical/Combat Game Winner
Eðvarð Arnór Sigurðsson –
Venjulega í svona herkænsku spilum er stuðst við teninga og flóknar skaða formúlur. Þetta spil sleppir því. Notar í staðinn stokk af spilum sem er sérsniðin fyrir einn af fjórum liðum sem koma í kassanum. Býr þannig til fljótlegt og skemmtilegt spil. Sem er samt með góða taktik og strategíu án þess að vera flókið.