Það er úti um okkur! Heimurinn er á síðustu blaðsíðunum! Við þurfum að gera eitthvað strax til að lifa af! Leikmenn eru valdamestu leiðtogar heims sem vinna saman að því að smíða geimskip. Tíminn er naumur. Markmiðið? Að smíða geimskipið og flýja deyjandi veröld — eða svíkja alla til að tryggja eigin afkomu. Það getur ekkert ykkar verið öruggt um að fá sæti um borð í geimskipinu. We’re doomed! er hratt, tímamælt spil sem lætur skelfinguna krauma í óðagotinu, samvinnunni, samningagerðinni, hefndinni, samsærinu og að sprengja hvert annað í loft upp til gamans.
Þetta er ekki gert á elleftu stundu. Það er allt bókstaflega á síðustu stundu! Höfum við tíma? Hvað eru mörg sæti laus? Hver fær sæti? Náum við yfirleitt að klára geimskipið?
Á fimmtán mínútum taka leikmenn ákvarðanir, sækja aðföng (eða stela þeim), og reyna að ná áhrifum í hópnum. Eftir 15 mínútur lýkur spilinu. Kominn tími til að ganga um borð. Hvert ykkar fer fyrst inn? Nú, það ykkar sem hefur mestu áhrifin. Þegar geimskipið er fullt, þá fer það af stað og restin er skilin eftir. En passið ykkur. Það er líka hægt að nota aðföngin til að byggja kjarnorkusprengjur til að losa sig við leikmenn úr spilinu.
Þið munuð fá að upplifa mannkynið upp á sitt besta og versta. Því það er úti um okkur öll!
VERÐLAUN OG VIÐURKENNINGAR
- 2019 Golden Geek Best Party Game – Tilnefning
- 2019 Cardboard Republic Socializer Laurel – Tilnefning
SolviKaaber –
Þetta er einstök blanda af panikki og ósamvinnuþýðri samvinnu sem gerir þetta að eitt af uppáhalds partýspilunum mínum. Þið hafið eingöngu 15 mínútur til þess að búa til rakettu til þess að flýja jörðina sem er dauðadæmd. En þið þurfið að búa hana til fyrst, þannig að gjöra svo vel að safna hráefnum fyrir rakettuna, en bíddu nú við, það eru bara þeir valdamestu sem fá fyrstu sætin, þannig ætti ég ekki bara að vera sjálfselskur og safna völdum í staðinn? Eða frekar bara stela hráefnum af þessum sem er að reyna að búa til kjarnorkusprengju svo hann drepi mig ekki.
Þetta er dæmi um hinn fáránlega hugsunarhátt sem kemur upp í spilinu. Í hverri umferð er líka dregið spil úr stokki sem breytir reglunum á einhvern fáránlegann hátt þannig maður getur aldrei búist við neinu. Ótrúlega fyndið kaos.