Þú ert borgarstjórinn í örbæ í skóginum þar sem allar litlu verur skógarins hafa sest að, í skjóli frá rándýrum. Þetta nýja land er lítið og af litlu að taka, svo þú notar það sem fæst og segir aldrei nei þegar þér eru boðin efni til byggingar. Planaðu vel og smíðaðu blómlegan bæ, og ekki láta hann fyllast af ónotuðum afurðum! Bærinn sem dafnar best sigrar spilið!
Í Tiny Towns er bærinn þinn sýndur með 4×4 reitum þar sem þú stillir upp afurðarkubbum eftir sérstöku munstri til að smíða byggingar. Hver bygging skorar stig á sinn einstaka hátt. Þegar enginn leikmaður getur lengur sett út fleiri kubba eða byggt neinar byggingar, lýkur spilinu, og reitir sem ekki hafa byggingu gefa mínus eitt stig. Leikmaðurinn sem fær flest stig sigrar!
Klara Ingólfsdóttir –
Sniðugt og skemmtilegt spil sem við höfum oftast spilað tveggja manna og þá notum við það sem er kallað Town Hall variant til að krydda upp á spilið. Hann virkar þannig að í stað þess að skiptast á að velja kubb, þá er stokkur sem velur kubb líka til að flækja málin.