The voyages of Marco Polo

Árið 1271 hélt hinn 17 ára gamli Marco Polo í för til Kína með föður sínum og eldri bróður. Eftir langa og erfiða ferð sem lá í gegnum Jerúsalem og Mesópótamíu, og eftir Silkiveginum, þá náðu þeir til hirðar Kublai Khan árið 1275.

Í The voyages of Marco Polo endurskapa leikmenn þessa ferð, þar sem hver leikmaður er mismunandi persóna úr sögunni og með sérstaka hæfileika í spilinu, sem er spilað yfir fimm umferðir. Í hverri umferð kastar hver leikmaður teningunum sínum og getur framkvæmt eina aðgerð með þeim. Hver aðgerð kostar einn eða fleiri teninga, og er t.d. að safna afurðum eða peningum, taka á móti pöntunum eða að ferðast á kortinu. Ferðalagið hefst í Feneyjum og hægt er að velja um nokkrar leiðir, alla leið til Peking. Þegar stoppað er í borg, þá er sett upp verslunarstöð þar, sem gefur kost á fleiri aðgerðum eða aðföngum út spilið. Þeim mun hærri teningur sem notaður er í aðgerð, þeim mun betri möguleikarnir eru, en kostnaðurinn eykst líke ef andstæðingur hefur þegar valið þessa aðgerð.

Eftir fimm umferðir lýkur spilinu og leikmenn fá aukastig fyrir að komast til Peking, uppfylla fleiri pantanir, og hafa verslunarstöðvar í borgum á leynispilinu sínu sem allir leikmenn fá í upphafi spilsins.

VERÐLAUN OG VIÐURKENNINGAR

• 2016 Scelto dai Goblin – Sigurvegari
• 2016 Nederlandse Spellenprijs Best Expert Game – Sigurvegari
• 2016 MinD-Spielepreis Complex Game – Tilnefning
• 2016 JUG Adult Game of the Year – Úrslit
• 2016 Juego del Año – Meðmæli
• 2016 Jogo do Ano – Tilnefning
• 2016 Hra roku – Meðmæli
• 2016 Gra Roku Advanced Game of the Year – Sigurvegari
• 2016 Goblin Magnifico – Tilnefning
• 2015 Meeples’ Choice – Sigurvegari
• 2015 Kennerspiel des Jahres – Meðmæli
• 2015 Jocul Anului în România Advanced – Sigurvegari
• 2015 International Gamers Award – General Strategy: Multi-player – Sigurvegari
• 2015 Golden Geek Board Game of the Year – Tilnefning
• 2015 Golden Geek Best Strategy Board Game – Tilnefning
• 2015 Deutscher Spiele Preis Best Family/Adult Game – Sigurvegari
• 2015 Cardboard Republic Tactician Laurel – Tilnefning