Skoðað: 32
Endur fyrir löngu, við japönsku hirðina, bauð keisarinn í Kína kollega sínum í Japan pandabjörn sem friðartákn. Síðan þá hefur japanska hirðin (þið leikmenn) séð um hið erfiða verk að sinna dýrinu í bambusgarðinum.
Í Takenoko rækta leikmenn land, uppskera og sá þremur tegundum af bambus (grænum, gulum og bleikum) með aðstoð garðyrkjumeistara keisarans. Leikmenn þurfa að halda birninum frá hungri með safaríkum bambusnum, sinna landinu sínu, rækta sem mest af bambus, og vinna með því spilið.
Margverðlaunað og fallegt fjölskylduspil.
VERÐLAUN OG VIÐURKENNINGAR
- 2013 Ludoteca Ideale Official Selection – Sigurvegari
- 2013 Games Magazine Best New Family Game – Sigurvegari
- 2012 Tric Trac – Tilnefning
- 2012 Spiel der Spiele Hit für Familien – Meðmæli
- 2012 Nederlandse Spellenprijs – Tilnefning
- 2012 Lys Grand Public – Sigurvegari
- 2012 JoTa Best Family Board Game – Tilnefning
- 2012 Hra roku – Tilnefning
- 2012 Golden Geek Best Family Board Game – Tilnefning
- 2012 Golden Geek Best Children’s Board Game – Tilnefning
- 2012 Golden Geek Best Board Game Artwork/Presentation – Sigurvegari
- 2012 As d’Or – Jeu de l’Année – Sigurvegari
- 2011/2012 Boardgames Australia Awards Best International Game – Tilnefning
Inga Sörens. –
Ég heillaðist algjörlega af spilinu upphaflega vegna útlitsins á því. Og svo hugmyndin um sæta pöndu að ráðast á og skemma fyrir leikmönnum og allskonar!
Æðislegur leikur sem er frábær fyrir byrjendur í strategískum spilum. Leikur sem auðvelt er að læra, með frábærum leiðbeiningum.
Algjörlega eitt af mínum uppáhalds.
Linda Björg Guðmundsdóttir –
Takenoko er fínasta borðspil sem auðvelt er að læra. Ég myndi segja að þetta spil hentar þeim vel sem eru að byrja að spila stærri borðspil. Svo er til viðbótarpakki við spilið sem ég hef reyndar ekki náð að prufa. 3 stjörnur því það vantar örlítið uppá jafnvægið í stigagjöf.
Magnús Halldór Pálsson –
Fallegt og hugljúft spil og mjög svo í anda þess sem Antoine Bauza, hönnuður spilsins, hefur einbeitt sér að síðustu ár. Takenoko er gott fjölskylduspil og er ágætt millistig, ekki of þungt en er heldur ekki algjör léttvigt.
Sylvía Halldórsdóttir –
Frábært spil. Hönnunin falleg og auðvelt að læra. Myndi segja að spilið sé fyrir byrjendur sem og lengra komna. Persónulega finnst mér alveg jafn skemmtilegt að spila það bara tvö og þegar það eru fleiri spilendur.