Splendor

(12 umsagnir viðskiptavina)

6.970 kr.

Aldur: 10 ára og eldri
Fjöldi: 2-4 leikmenn
Spilatími: 30 mín.
Höfundur: Marc André

Availability: Til í verslun

Vörunúmer: SPSF1-21537 Flokkur: Merki: , ,
Skoðað: 599

spilavinir reglur a netinuSkýrt og skemmtilegt spil sem er auðvelt að kenna jafnóðum, og hentar mjög vel fyrir fólk sem er óvant borðspilum.

Splendor er snarpt og ávanabindandi spil þar sem leikmenn í hlutverki verslunarmanna á endurreisnartímabilinu keppast við að auka auð sinn og virðingu. Gimsteinanámur, verslanir og kaupskipafloti er meðal þess sem kaupmenn eignast og hver veit nema aðalsmenn og konur veiti þér stuðning sinn. Í hverri umferð geta leikmenn sankað að sér gimsteinum, keypt og byggt spil sem er í boði eða tekið frá spil svo andstæðingurinn fái það ekki. Spilin í eigu leikmanna gefa síðan mismunandi mörg stig. Fljótlega vindur veldi leikmanna upp á sig og þeir eiga auðveldara með að stækka og hagnast. Sá sem er fyrstur til að fá 15 stig er sigurvegari. Framleiðslan er öll til fyrirmyndar. Spilin eru fallega myndskreytt og gimsteinarnir vandaðir og eigulegir.

VERÐLAUN OG VIÐURKENNINGAR

  • 2016 MinD-Spielepreis Short Game – Sigurvegari
  • 2015 Origins Awards Best Card Game – Tilnefning
  • 2015 Nederlandse Spellenprijs Best Family Game – Sigurvegari
  • 2015 Hungarian Board Game Award – Tilnefning
  • 2015 Hra roku – Sigurvegari
  • 2015 Guldbrikken Best Family Game – Sigurvegari
  • 2015 Gra Roku Game of the Year – Sigurvegari
  • 2015 Gioco dell’Anno – Tilnefning
  • 2015 As d’Or – Jeu de l’Année – Tilnefning
  • 2015 Årets Spill Best Family Game – Sigurvegari
  • 2014 Vuoden Peli Adult Game of the Year
  • 2014 UK Games Expo Best New Boardgame – Sigurvegari
  • 2014 Tric Trac de Bronze
  • 2014 Spiel des Jahres – Tilnefning
  • 2014 Meeples’ Choice – Sigurvegari
  • 2014 Lys Grand Public – Úrslit
  • 2014 Juego del Año – Meðmæli
  • 2014 Jocul Anului în România Beginners – Úrslit
  • 2014 Japan Boardgame Prize Voters’ Selection – Sigurvegari
  • 2014 Japan Boardgame Prize U-more Award – Tilnefning
  • 2014 Golden Geek Board Game of the Year – Sigurvegari
  • 2014 Golden Geek Best Family Board Game – Sigurvegari
  • 2014 Golden Geek Best Board Game Artwork & Presentation – Tilnefning
  • 2014 Board Game Quest Awards Best Family Game – Sigurvegari
Aldur

Merkingar

Varan er CE merkt

Fjöldi púsla
Athugið

Varan hentar ekki börnum yngri en þriggja ára þar sem hún getur innihaldið smáa hluti

Fjöldi leikmanna

, ,

Útgáfuár

Útgefandi

12 umsagnir um Splendor

  1. Avatar of Þorri

    Þorri

    Skemmtilegt fjölskylduspil sem er einfalt að kenna og koma nýju fólki í. Ekki djúp strategía, en aðgengilegt og þægilegt fyrir breiðan aldurshóp. (Við erum 7 – 43 ára í fjölskyldunni).

  2. Avatar of Sigurlaug

    Sigurlaug

    Mjög skemmtilegt spil.

  3. Avatar of Magnús Halldór Pálsson

    Magnús Halldór Pálsson

    Eitt af uppáhalds spilum fjölskyldunnar. Auðvelt að læra og fljótlegt að spila. “Póker” peningarnir gefa spilinu líka aukið gildi en það er alltaf gaman að spila með flotta spilahluti (e. components).

  4. Avatar of Sigurður Jón

    Sigurður Jón

    Splendor fær fullt hús stiga frá mér. Það spilast sérlega vel fyrir tvo.
    Reglurnar eru einfaldar og það er fljótlegt að stilla því upp.
    Leikmenn eru að byggja upp nokkurskonar vél, þar sem að markmiðið er að ná fyrstur upp í 15 stig.
    Fyrir framan leikmenn eru spil sem kosta ex mikið af demöntum. Leikmenn velja þá hvort þeir taki demanta á hendi eða kaupi spil fyrir demanta sem þeir höfðu safnað áður. Spilin gefa leikmönnum svo afslátt af öllum öðrum spilum sem þeir kaupa seinna í leiknum. Sum þessara spila verðlauna leikmenn með stigum, frá einu upp í fimm.
    Það er góð tilfining að taka upp verðmæt stigaspil eftir að hafa byggð upp góðan grunn af ódýrari spilum (demöndum).
    Spilið býður upp á mismunandi taktík sem leikmenn geta haft eftir sinni hentusemi. Einn leikmaður gæti byggt sína vél á því að kaupa ódýr spil allt þangað til í lokasprettinum og byrja þá að raða inn dýrari spilum á afslætti.
    Annar gæti fókusað á að taka sækjast eftir dýrari spilum snemma á kostnað þess að þurfa að hafa færri spil á hendi og ná upp í 15 stigin áður en vélar mótspilarana detta almennilega í gang og fara að raða inn stigum.

    Splendor er spilað mikið á þessu heimili og það er aldrei leiðinlegt.
    Ef ég á að finna eitthvað að þessu spili þá er það algert smáatriði. Það er ekki endilega algengt að kassin fyrir spil sé skipulagður þannig að allt eigi sér stað og raðist vel í hann, það flýtir fyrir upsetningu og gerir allt svo mikið þægilegra. Splendor hefur þetta og það er frábært…… ef að spilið liggur þar að segja… Ef þú setur það á hliðina þá sturtast alltsaman til í kassanum og ég leifi þessu að fara í taugarnar á mér.

    Ég mæli mikið með Splendor, ég sé sjálfan mig fyrir mér spila það af og til enþá eftir 30 ár.

  5. Avatar of Salóme

    Salóme

    Mjög gott spil að því leiti að það er auðvelt að útskýra og gott spil fyrir óvana spilara. 15 stigin sem þarf til að vinna er heldur lítið. Spilarar eru rétt komnir almennilega inn í leikinn og farnir að kaupa dýrustu spilin þegar leikurinn er búinn. Mæli með að hækka takmarkið í amk. 20 stig.

  6. Avatar of Anna Margrét Kornelíusdóttir

    Anna Margrét Kornelíusdóttir

    Sérlega skemmtilegt spil fyrir tvo og einfalt að læra á það. Eftir því sem maður spilar oftar má prófa ýmsar strategíur sem gerir spilið enn meira spennandi.

  7. Avatar of Ísak Jónsson

    Ísak Jónsson

    Einfalt en mjög skemmtilegt spil sem tekur ekki langan tíma að spila. Einnig hægt að fá með Marvel-bragði sem er kannski skemmtilegri þema fyrir krakka.

  8. Avatar of María Ásmundsdóttir Shanko

    María Ásmundsdóttir Shanko

    Skemmtilegt spil

  9. Avatar of Óskar Örn

    Óskar Örn

    Ágætis “skyndispil” sem er einfalt að læra og tekur kannski 15 mín að spila.
    Hef bara spilað 2ja manna við 10 ára dóttur mína og hún vinnur mig oftar en ég hana! Get ekki tjáð mig um hvort skemmtilegra sé að spila 3 eða 4 saman, okkur tekst ekki að narra aðra með okkur…

  10. Avatar of Eyrún Halla Kristjánsdóttir

    Eyrún Halla Kristjánsdóttir

    Mjög skemmtilegt spil bæði fyrir bara tvo eða fleiri.

  11. Avatar of Stefán Ingvar Vigfússon

    Stefán Ingvar Vigfússon

    Mjög skemmtilegt og intense stutt spil!

  12. Avatar of Sævar Líndal

    Sævar Líndal

    Æðislegt spil að spila. Ég og konan skellum oft spilinu upp á borð eftir helgarmatinn í staðin fyrir að setjast fyrir framan sjónvarpið. Kannski eitt rauðvínsglas eða tvö með en allt í hófi. Eftir að konan komst upp á lagið að spila leikinn þá hef ég varla unnið leik. En það er allt í lagi, hún er svo sæt þegar hún segir “komin með 15”.
    Eitt kom upp á hjá okkur eitt kvöldið, ég gat ekki gert neitt. Átti ekki fyrir neinu spili ĺ borðinu. Búinn að taka frá þrjú þróunarspil. Og er sjálfur með nokkur spil og 8 spilapeninga. Get ekki farið í bankann. Bara 2 smaragðar og 3 demantar þar. Hvað get ég gert. Stendur ekkert um þetta í leiðbeiningum.

    • Avatar of Þorri

      Þorri

      Gaman að heyra að þetta fína spil hitti í mark hjá ykkur 🙂

      Hver leikmaður má safna allt að 10 spilapeningum. Hefði það ekki dugað til að kaupa eitthvað sem var í borði?

Skrifa umsögn

This site uses Akismet to reduce spam. Learn how your comment data is processed.

Karfa
;