Skoðað: 146
Skull er kjarni blöffsins og blekkingarinnar, leikur þar sem allt er spilað í höfði leikmannanna. Hver leikmaður spilar út spjaldi á grúfu og síðan bætir hver leikmaður einu spjaldi þangað til að einhverjum leikmanni finnst hann nógu öruggur til að giska á hversu mörgum spilum hann geti snúið við, án þess að snúa við hauskúpu. Hinir spilararnir geta síðan yfirboðið hann með því að segja að þeir geti snúið við fleiri spilum. Sá sem bauð hæst verður síðan að snúa við eins mörgum spjöldum og hann veðjaði á að hann gæti og byrja á sínum eigin. Ef hann snýr bara við rósum vinnur hann. Ef hann snýr við hauskúpu tapar hann.
Það er allt og sumt. Skull er ekki leikur með heppni, þetta er leikur þar sem maður þarf að horfa í augu og halda andliti.
VERÐLAUN OG VIÐURKENNINGAR
- 2012 Golden Geek Best Party Board Game – Tilnefning
- 2011 Spiel des Jahres – Meðmæli
- 2011 Japan Boardgame Prize Voters’ Selection – Tilnefning
- 2011 Golden Geek Best Party Board Game – Tilnefning
- 2011 As d’Or – Jeu de l’Année – Sigurvegari
Kristinn Pálsson –
Upphafleg keypti ég spilið vegna áhuga sem ég hef á Varúlfi og lygaleikjum. Útgáfan og útlitið heillaði mig alveg frá upphafi. Ég hef aldrei séð eftir þessum kaupum og spilið fært ómælda gleði og skemmtileg kvöld í mínum hópi.
Leikir eru hraðir og umferðir spilast vel. Spennan getur verið mikil og þú þarft bæði að hugsa fram í tímann sem og að lesa mótspilara vel. Þörf er á að halda póker-fési og dansa á línunni vi að blekkja aðra.
Mæli með þessu í fjörugum hópi, þörf er á að byggja upp spennu þegar að leikmenn leita af “rósum” hjá öðrum. Mikilvægt að vera með mikil dólgslæti og köll þegar einhver springur á “hauskúpu”. Gerir leikinn miklu fyndnari!