Sheriff of Nottingham (2nd edition)

(2 umsagnir viðskiptavina)

8.640 kr.

Aldur: 12 ára og eldri
Fjöldi: 3 til 6 leikmenn
Spilatími: 60 mín.
Höfundur: Sérgio Halaban, André Zatz

* Uppselt *

Vörunúmer: CMNSHF003 Flokkur: Merki:
You must register to use the waitlist feature. Please login or create an account
Skoðað: 58

Prinsinn er að koma til Nottingham! Leikmenn í hlutverki kaupmanna sjá komu hans sem tækifæri fyrir skjótfengan gróða með því að selja vörur sínar í borginni sem iðar af lífi vegna komu hans. En það er hængur á. Leikmenn þurfa fyrst að koma vörum sínum inn um borgarhliðið, en það er vaktað gaumgæfilega af fógetanum í Nottingham. Ætlarðu að taka öruggu leiðina og flytja aðeins inn löglegar vörur til að selja eða smygla inn ólöglegum varningi í von um að verða ekki gripinn. Það er vissara að kunna að ljúga þá því fógetinn gerir allt upptækt sem hann getur og setur háar sektir á menn sem reyna að lauma vörum inn í borgina framhjá honum.

Leikmenn skiptast á að vera í hlutverki fógetans. Kaupmennirnir setja vörurnar sem þær ætla með inn í borgina í sérstakan poka sem þeir afhenda síðan fógetanum. Fógetinn getur síðan ákveðið að leita í pokanum hjá hverjum leikmanni. Ef hann finnur eitthvað ólöglegt eða stendur leikmann að því að ljúga að sér þá innheimtir hann sekt en ef fógetinn leitar í poka og finnur ekkert athugavert þá þarf hann að greiða leikmanninum skaðabætur fyrir óþægindinn.

Verður þú heiðvirður kaupmaður? Muntu múta fógetanum með gulli til að sleppa í gegn eða jafnvel borga honum fyrir að leita hjá keppinautunum?

Þessi nýja útgáfa inniheldur uppfærðar reglur, auk viðbóta eins og sjötti kaupmaðurinn, svarti markaðurinn, og fulltrúar fógetans.

Aldur

Fjöldi leikmanna

, , ,

2 umsagnir um Sheriff of Nottingham (2nd edition)

  1. Avatar of Kristinn Pálsson

    Kristinn Pálsson

    Á sjálfur upprunalegu útgáfuna, plús viðbót. Þessi útgáfa er í grunnin eins.
    Mjög skondið og skemmtilegt spil. Enn eitt lygaspilið en ekki í anda Varúlfs sem er algent þema. Leikmenn reyna að safna samstæðum af mat og fela spjöldin í pokum sínum. Til þess að vinna er þörf að setja ólöglegan varning með matnum og ljúga sig í gegnum tollinn. Hér er þörf að vera góður að lesa fólk eða múta sig í gegnum leikinn. Hlutverk Sheriff gengur á milli spilara og því eru allir að spila eins.
    Til þess að gera spilið fyndnara og skemmtilegra má krydda leikinn með því að spilarar reyni að tala sveita bresku og nota formleg og fyndin orð yfir hluti. Leika og lifa sig inn í hlutverkið!

  2. Avatar of Eidur S.

    Eidur S.

    Það sem er öðruvísi við þetta blekkingarspil er að í hvert sinn eru bara tveir leikmenn að díla við hvorn annan í einu. Allir skiptast á að vera fógetinn og þarf hann að lesa út úr einum í einu hvort sá sé að ljúga um hvað hann sé með í pokanum sínum.

    Myndast oft fyndin stemming og kenndi þetta spil mér að ég er ekki góður að blekkja.

Skrifa umsögn

This site uses Akismet to reduce spam. Learn how your comment data is processed.

Karfa
;