Þú ert af aðalsættum, og leitar nýrra landa til að stækka konungdæmið. Náðu nýjum héröðum í ríkið, og þróaðu þau til að þjóna fólkinu sem best. Skattleggðu fólkið skynsamlega til að byggja upp þorp, allt til að ná hylli drottningarinnar. Gættu þín á að drekinn spilli ekki fyrir áætlunum þínum. Aðrir eru keppa um sömu lendur og þú, hlut í ríkidæminu og hjarta drottningarinnar!
Queendomino er bæði sjálfstætt spil og viðbót við Kingdomino, sem vann hin virtu Spiel des Jahres 2017. Það hefur flóknara gangverk, ný héröð og býður upp á möguleika fyrir fleiri spilara. Almennt er spilið fyrir 2-4, en ef spilið er sameinað Kingdomino er hægt að stækka spilið: 3-4 geta spilað með 7×7 borð, 5-6 leikmenn geta spilað með 5×5 borð, og svo geta 6-8 spilað í liðum með 5×5 borð.
Helga Guðmundsdóttir –
Queendomino er frábært spil. Það eru fá spil sem eru jafn skemmtileg hvort sem það eru 2,3 eða 4 spilarar. Það frábæra við þetta spil að oft koma út “duel” útgáfur af vinsælum spilum en þetta spil er nú þegar fullkomið fyrir tvo eða fleiri að spila saman.