Í Quacks of Quedlinburg (Skottulæknarnir frá Selfossi), eru leikmenn loddarar — eða skottulæknar — sem blanda leynidrykkinn sinn með einum hlut í einu. Gættu að því hverju þú bætir við, því klípa af þessu eða hinu gæti eyðilagt blönduna!
Hver leikmaður hefur sinn poka af innihaldsflísum. Í hverri umferð draga allir flísar á sama tíma upp úr pokanum sínum og bæta í pottinn sinn. Þeim mun hærri sem talan á flísinni er, þeim mun lengra kemst hún í iðu pottarins. Reyndu á heppni þína eins og þú getur, en ef þú setur of mikið af kirsuberjabombum, þá springur potturinn þinn!
Við lok hverrar umferðar fá leikmenn stig og pening til að kaupa nýjar flísar í pokann sinn. En leikmenn sem sprengdu pottinn sinn þurfa að velja á milli stiga og peninga — ekki bæði! Leikmaðurinn sem er með flest stig eftir níu umferðir sigrar spilið.
VERÐLAUN OG VIÐURKENNINGAR
- 2018 Kennerspiel des Jahres – Sigurvegari
- 2018 Golden Geek Board Game of the Year – Tilnefning
- 2018 Golden Geek Best Family Board Game – Sigurvegari
- 2018 Cardboard Republic Daredevil Laurel – Sigurvegari
Gestur Ingi –
Ágætis spil þar sem leikmenn reyna á heppnina sína. Alltaf jafn freistandi að draga bara einn í viðbót en endar svo á að sprengja pottinn þinn.
Stefán Ingvar Vigfússon –
Mjög fínt spil, sem reynir nær eingöngu á heppni en ekki hæfni. Það er einfalt og þægilegt, gott til þess að hressa upp á stemminguna á spilakvöldi, smá spilavítisstemming.
Hólmfríður María Bjarnardóttir –
Í þessu spili ertu að bæta innihaldsefnum í töfrapott. Allir leikmenn draga innihaldsefnin upp úr poka á sama tíma, því fleiri innihaldsefni, því fleiri stig, en það er hætta á að þú sprengir pottinn. Ef þú sprengir pottinn þarftu að velja hvort þú fáir stig eða peninga til þess að eyða í fleiri innihaldsefni. Annars færðu bæði. Þú þarft að spyrja þig hvort þú þorir að halda áfram að draga úr pokanum og treysta á hepnina.