Stundum þegar við erum að panta inn vörur, þá gerum við það af innsæi. Við sjáum til dæmis eitthvað nýtt Pandemic eitthvað og hugsum: Þetta er frábær spilalína þar sem hvert spil hefur komið með eitthvað nýtt og spennandi. Við þurfum ekkert að vita meira um vöruna, við skulum taka hana í sölu.
Svo þegar við tökum upp úr kassanum, þá lærum við að nýjasti titillinn í Pandemic seríunni er … bók!
Bókin er byggð á þessu geysivinsæla borðspili og er fyrsta skáldsagan í seríu sem sýnir hvað mannkynið getur gert þegar það vinnur saman: komið í veg fyrir að alheimsfaraldur brjótist út.
Sagan er um Bodhi Patel sem er nýi faraldsfræðingurinn hjá Alþjóðaheilbrigðisstofnuninni hefur engan tíma til að koma sér fyrir í nýju starfi, því dularfullur nýr vírus hefur breiðst út frá Perú til Brasilíu. Á staðnum lærir teymið að vírusinn leikur lausum hala á svæði sem þungvopnaður fíkniefnabarón stjórnar, og kapphlaupið við tímann til að uppgötva lækningu verður enn erfiðara. Á meðan þarf Bodhi að finna leið til að láta þetta nýja teymi vinna saman — þar á meðal fyrrverandi eiginkonuna, sem er síðasta manneskjen sem hann hélt hann þyrfti að vinna með aftur.
Umsagnir
Engar umsagnir komnar