Paleo er samvinnuspil sem gerist á steinöld, þar sem leikmenn reyna að halda manneskjunum sínum á lífi og klára áskoranir á sama tíma. Stundum vantar þig feld, stundum tjald, en þetta eru minniháttar áskoranir miðað við langtímamarkmiðið þitt: Að mála mammút á vegginn svo manneskjur þúsund árum seinna munu vita að þú hafir verið til. (Ókei, kannski fannst þér bara mammútamálverk vera töff. Að minna á tilvist siðmenningar þinnar er bara kirsuberið á ísnum.)
Hvað gæti hindrað þig í að mála þetta málverk? Dauði, í öllum sínum myndum.
Hver leikmaður byrjar með nokkrar manneskjur, sem hver hefur hæfileika og lífsstig. Í hverri umferð velur hver leikmaður að fara á einn stað — mögulega af sömu gerð og aðrir leikmenn völdu, en ekki sama staðinn — og á meðan þú hefur einhverja hugmynd um hvað þar er að finna, þá veistu það ekki fyrr en þú ert á staðnum, og þá gætir þú náð í mat eða aðra hluti sem þú gætir notað til að búa til enn aðra nytsamlega hluti, eða jafnvel uppgötvað að þú getur hjálpað öðrum á sinni vegferð, eða orðið fyrir snák sem færir þig nær dauðanum. Lífið er fullt af undri og skelfingu…
Að lokum, þá þarftu mat fyrir alla í þínu liði og líka hluti og hæfileika sem gera þér kleift að klára áskoranir. Ef það mistekst, þá bætir það við hauskúpu á leikborðið, og þegar þú ert með nóg af þeim þá ákveður þú að lífið er fyrir fíflin og gefur upp öndina. Aðrar manneskjur geta dáðst að málverki einhvers annars fyrir þér.
Paleo inniheldur margar einingar sem bjóða upp á fjölbreyttan hóp af manneskjum, stöðum, áskorunum og mörgu fleiru sem gerir dvölina í 10.000 fyrir Krist skemmtilegri.
VERÐLAUN OG VIÐURKENNINGAR
- 2021 Kennerspiel des Jahres – Sigurvegari
- 2021 International Gamers Award Multi-player – Tilnefning
- 2021 Gioco dell’Anno – Tilnefning
- 2021 Geek Media Awards Family Game of the Year – Tilnefning
- 2021 Bulgarian Board Game Awards Expert Game of the Year – Tilnefning
- 2021 As d’Or – Jeu de l’Année Expert – Tilnefning
- 2020 Golden Geek Best Cooperative Game – Tilnefning
- 2020 Cardboard Republic Immersionist Laurel – Sigurvegari
Umsagnir
Engar umsagnir komnar