Nidavellir

Konungsríki Dvergana, Niðavellir, stendur ógn af drekanum Fáfni. Sem sendiboði konungs þarft þú að ferðast um krár konungsríkisins í leit að bandamönnum sem geta lagt þennan óvætt í valinn. 

Í hverri umferð þurfa leikmenn að setja pening á hverja krá. Spilarinn sem býður mest fær að velja sér persónu í þeirri krá sem sá hinn sami bætir við sinn her og svo koll af kolli. Dvergarnir skiptast í nokkra flokka svo sem járnsmiði, veiðimenn, stríðsmenn, landkönnuði og námuverkamenn. Í endann vinnur sá spilari sem býr yfir öflugasta hernum þar sem stig hermanna eru talinn saman.

Spilið inniheldur einnig leið fyrir leikmann að auka við fé sitt sem getur komið spilara skör ofar en keppinautarnir.