Munchkin

(5 umsagnir viðskiptavina)

5.450 kr.

Aldur: 10 ára og eldri
Fjöldi: 3-6 leikmenn
Spilatími: 60-120 mín.
Höfundur: Steve Jackson

* Uppselt *

Vörunúmer: SPSS2-MUNCH Flokkur: Merki: ,
You must register to use the waitlist feature. Please login or create an account
Skoðað: 63

Farðu niður í dýflissuna. Dreptu allt sem þú mætir. Stingdu vini þína í bakið og steldu dótinu þeirra. Náðu í fjársjóðinn og komdu þér út.

Viðurkenndu það. Þú elskar þetta.

Munchkin er stórskemmtilegt, kvikindislegt spil um ævintýramennsku í dýflissum, án hlutverkaleiksins. Þú og vinir þínir keppast um að drepa skrímsli og ná í töfragripi. Ótrúlega töfragripi! Skelltu Hyrnda hjálminum á þig og klæddu þig í Rasssparkarastígvélin. Beittu Napalmstafnum fyrir þér, eða kannski Vélsög blóðugrar aflimunar. Byrjaðu á að murka lífið úr Pottaplöntunni, og Slefandi slíminu, og reyndu að vinna þér leið að Plútóndrekanum…

Rúllandi kjánalegt spil sem getur gert hvaða hlutverkaspilara sem er að algerri hláturshrúgu. Og á meðan þau hlægja, þá getur þú stolið dótinu þeirra.

VERÐLAUN OG VIÐURKENNINGAR

  • 2001 Origins Awards Best Traditional Card Game – Sigurvegari
Fjöldi púsla
Aldur

Útgefandi
Fjöldi leikmanna

, , ,

Merkingar

Varan er CE merkt

Athugið

Varan hentar ekki börnum yngri en þriggja ára þar sem hún getur innihaldið smáa hluti

5 umsagnir um Munchkin

  1. Avatar of Hjalti Þorsteinsson

    Hjalti Þorsteinsson

    Því fleiri sem eru að spila því betra. Spilið er oft kallað ‘light RPG’ því það hefur öll grunnatriðin úr RPG leikjum eins og ‘Dungeons and Dragons’.

    Leikurinn snýst um að vera fyrstur upp í level 10. Til þess þarf maður að sigra skrímsli sem veita manni fjársjóði og levels. Spilið er þekkt fyrir kímnigáfuna sína. Nær öll spilin sem eru í leiknum innihalda einhversskonar brandara.

    Það sem er svo verulega skemmtilegt við þennan leik er hversu mikil samskipti er á milli leikmannanna. Þegar einhver lendir í klandri gegn einhverju skrímsli getur einhver annar leikmaður hjálpað þeim einstaklingi að sigra skrímslið. Á sama máta getur leikmaður gert skrímslið öflugra eða gert andstæðingi sínum lífið leitt á aðra máta. Á endanum eru venjulega kominn bandalög og leikmenn keppast á um að eyðileggja fyrir hinu liðinu.

    Spilið er ekki mjög flókið. Flestar þær reglur sem þú þarft að vita standa á spilunum sem þú færð í leiknum. Þar að auki hvetur leikurinn til þess að svindla og því skipta reglurnar ekki miklu máli.

    Ég hef spilað þetta spil með 6-9 leikmönnum. Það var alveg gríðarlega skemmtilegt, en ég get lítið sagt um hvernig það er að spila færri.

  2. Avatar of Sigurjón Magnússon

    Sigurjón Magnússon

    Ágætt spil, ég elskađi þađ fyrst þegar ég spilađi þađ en þađ varđ soldiđ þreytt međ tímanum

  3. Avatar of Áslaug

    Áslaug

    Reglubókin er svoldið ruglingsleg, og ég held það sé viljandi gert, því þetta er spil sem hentar vel til að settar séu húsreglur, og til þess að það sé samningagerð, greiðastarfsemi og klíkuskapur. (M.ö.o. er þetta líklega ekki gott spil fyrir tapsárt fólk.) Grunnreglurnar eru samt ekkert svo flóknar, en svo þarf að passa vel að lesa vel á spjöldin sem eru í borði, spilið breytist þannig að einhverju leyti í hvert skipti sem það er spilað, sem er gaman.
    Ætla að leyfa mér að fullyrða að þetta sé líklegast til að henta fólki frá fermingu til fertugs eða þar um bil.

  4. Avatar of Ísak Jónsson

    Ísak Jónsson

    Mjög skemmtilegt kortaspil með roleplaying ívafi. Með þeim fyrirvara þó að vinslit eru möguleg ef þú átt tapsára vini. Býður upp á alveg ógrynni af bakrýtingum.

  5. Avatar of Hafdís

    Hafdís

    Skemmtilegt kortaspil en nokkuð flókið og á ensku og ekki ætlað börnum. Það þarf minnst 4 til að það sé gott að spila það og það er afar gaman að byrja safna skemmtilegum viðbótum.

Skrifa umsögn

This site uses Akismet to reduce spam. Learn how your comment data is processed.

Karfa
;