Monsieur Carrousel (þýðir Herra Hringekja, og er borið fram mussju karúsel) er samvinnuspil. Vinnið saman til að koma öllum krökkunum á hringekjuna áður en rigningin byrjar!
Þegar þú átt leik, þá kastar þú teningnum. Veldu krakkatákn sem ekki er enn komið á hringekjuna og settu það í tómt sæti sem er eins og liturinn á teningnum sem þú kastaðir. Gættu að því að muna á hvernig sæti börnin sitja.
Svo snýrðu hringekjunni. Hvernig er veðrið þegar hún stoppar? Ef barnið sem þú settir um borð endar sólarmegin, þá tekur þú gult prik (sólargeisla) og setur það á sinn stað í pláss hjá sólinni. Plássin þurfa tvö prik til að fyllast, og ef prikið passar ekki nákvæmlega í plássið, þá þarftu að skila því, svo vandaðu valið! Hver sólargeisli sem er kláraður þurrkar upp einn regndropa. Ef barnið endar í rigningu, þá bætir þú við rigningardropa á borðið.
Ef þú færð lit á teninginn sem er með börn í báðum sætum? Þá spinnur þú hringekjunni og þegar hún stöðvast, þá lítur þú á sætið sem Herra Hringekja bendir á með fingrinum. Ef hann bendir á sæti sem barn situr í, þá þarftu að giska á hvernig sæti barnið situr á. Ef þú giskar rétt, þá máttu velja einn sólargeisla til að setja á borðið; annars setur þú regndropa.
Spilinu lýkur svo þegar annað hvort öll börnin eru komin um borð í hringekjuna, eða allir regndroparnir eru komnir á borðið.
Spilinu fylgja nokkrar gerðir af myndum í hringekjuna til að gera spilið fjölbreyttara.
VERÐLAUN OG VIÐURKENNINGAR
- 2019 Spiel der Spiele Hit für Kinder – Meðmæli
Umsagnir
Engar umsagnir komnar