Byggt á hinu klassíska Love Letter en í stað konungshallar gerist spilið í höll Jabba the Hut úr Star Wars seríunni. Spilið notar sama einfalda og skemmtilega gangverkið úr upprunalega spilinu, en nýtir hæfileika þekktra persóna úr Return of the Jedi. Leikmenn skiptast á að gera með því að draga sér spil, og spila út spili, og framkvæma svo áhrif spilsins sem spilað var út. Spilin eru með persónum eins og Luke Skywalker (einnig þekktur sem Logi Geimgengill), Boba Fett, Salacious Crumb, Jabba the Hutt, og mörgum fleiri þar sem hver persóna hefur mismunandi hæfileika, til dæmis lætur Boba Fett þig taka spil af öðrum leikmanni, og Salacious Crumb leyfir þér að sjá hvað annar leikmaður er með á hendi.
Leikmenn nota hæfileika persóna sem bæði eru uppreisnarfólk og handbendi Jabba til að reyna að lifa lengur en aðrir leikmenn. Í grunninn er spilið nákvæmlega eins og Love Letter, en svo er hægt að nota Markmiðaspilin (e. Agenda Cards) sem búa til ný sigurskilyrði, og bæta þannig við nýjum kænskumöguleika í spilið.
Markmiðaspilin eru t.d. Exalted One, sem verðlaunar leikmanninn sem er með hæstu töluna á hendi með sigri. Svo eru spil eins og Jabba’s Court og Rescue Mission sem snúa sigrinum til þess sem er með flest Hallar-, eða Uppreisnarspil.
Stutt og skemmtilegt spil um hugrekki og syndsamleg svik.
Umsagnir
Engar umsagnir komnar