L.A.M.A. er einfalt og létt spil sem var tilnefnt sem Spil ársins 2019 (Spiel des Jahres). Partýútgáfan af spilinu er ólík hinu á þrjá vegu:
- Spilið inniheldur stakt, bleikt llama spil sem má setja ofan á hvaða spil sem er. Þetta spil er -20 stig ef það endar á hendi í lok umferðar.
- Sum spil eru núna „plús“ spil, þ.e. 4+. Þegar þú spilar út einu slíku spili, þá máttu gera strax aftur.
- Spilið inniheldur bleikar flísar sem eru 20 stig, svo þú getur aldeilis snúið ógæfunni við með því að sigra umferð með því að losa þig við eina slíka.
Í báðum spilum ert þú að reyna að losna við spilin þín af hendi eins hratt og þú getur, en þú dregur kannski ekki spilin sem þig vantar, svo ætlar þú að hætta og frysta höndina, eða halda í vonina og draga fleiri spil?
Hver leikmaður byrjar með sex spil á hendi; í stokknum eru lama spil og spil með tölum frá 1-6, átta af hverri tegund. Þegar þú átt leik, máttu spila út spili, draga spil á hendi, eða hætta. Þegar spili er spilað út, þá verður það að vera sama spil og er á borðinu, eða einum hærra. Ef sexa er á borði, þá máttu spila sexu eða llama, og ef llama er á borðinu, þá máttu spila llama eða ás. Ef þú hættir, þá setur þú restina af spilunum þínum á hvolf fyrir framan þig og ert ekki lengur með í þessari umferð.
Umferðinni lýkur þegar einn leikmaður spilar út síðasta spilinu sínu, eða allir leikmenn hafa hætt. Í hvoru tilfelli fá leikmenn stig byggð á spilunum sem þeir eiga eftir. Hver tegund af spili gefur þér jafn margar hvítar flísar (1 stig) og talan segir til um, en llama spil gefur þér svarta flís (10 stig).
Ef þú kláraðir öll spilin þín, þá máttu skila einni flís (hvítri eða svartri). Því næst er stokkað og gefið upp á nýtt.
Spilinu lýkur þegar einn leikmaður er kominn í 40 stig eða meira. Leikmaðurinn með fæst stig sigrar.
Umsagnir
Engar umsagnir komnar