Í Kingdom Builder eru leikmenn að byggja konungsveldi sín með því að byggja þorp með það að markmiði að eiga mest gull við lok spilsins.
Á leikborðinu eru níu mismunandi landsvæði, kastalar og staðir — á spjöldum sem hægt er að raða á ótal mismunandi vegu. Þegar þú átt leik, þá spilar þú út landsvæðispilinu þínu og leggur þrjú hús á svæði af sömu tegund. Ef þú getur, þá verður nýtt hús að vera við hlið annars húss sem þú átt og þegar er á borðinu. Þegar þú byggir hús við hlið merkts staðar, þá máttu taka bónusflís sem þú getur notað í næstu umferð og þar eftir. Þessar flísar hafa mjög mikil áhrif á gang spilsins með aðgerðum eins og t.d. að færa húsin þín.
Ef þú byggir við hlið kastala, þá færðu gull við lok spilsins, en mest gull færðu með því að uppfylla skilyrðin á Kingdom Builder spilunum þremur. Þessi þrú (af tíu sem eru í spilinu) gefa upp skilyrði sem þarf að mæta til að fá gull, eins og t.d. að byggja húsin þín við vatn, eða vera í meirihluta á hverjum hluta leikborðsins.
Í hverju spili eru valin af handahófi þrjú Kingdom Builder spil (af tíu), sérstakar aðgerðir (4 af 8), og spjöld til að setja saman í leikborðið (4 af 8), svo þið spilið aldrei sama spilið tvisvar!
VERÐLAUN OG VIÐURKENNINGAR
- 2013 Origins Awards Best Board Game – Tilnefning
- 2012 Vuoden Peli Adult Game of the Year – Tilnefning
- 2012 Spiel des Jahres – Sigurvegari
- 2012 Lys Passioné – Úrslit
- 2012 International Gamers Award – General Strategy: Multi-player – Tilnefning
- 2012 Gouden Ludo – Tilnefning
- 2012 Golden Geek Best Family Board Game – Tilnefning
- 2012 Golden Geek Best Abstract Game – Sigurvegari
- 2011/2012 Boardgames Australia Awards Best International Game – Tilnefning
Sigurður Jón –
Ef að fjölskildan þín eða spilahópur hefur gaman að spilum á borð við Ticket to Ride, Catan og Carcassonne þá er Kingdom Builder flott næsta skref.
Það er ekki flókið en er fjölbreytilegt því uppsetningin og verkefnin í því eru ekki þau sömu eftir hvern leik.
Það er skemtilegt að sjá konungsríkið sitt stækka og teygja sig um borðið. Það er hægt að spila þetta vinalega eða leika á mótspilara sína með klækjum.
Merkingar á spjöldum eru skýrar og auðskiljanlegar. Á verkefnaspilunum er texti á ensku (reyndar fylgja stokkar á nokkrum tungumálum, þó ekki íslensku) og það er alltaf hindrun að mínu mati þegar að kemur að því að spila með yngri krökkum eða fólki sem er ekki nógu vel að sér í tungumálum. Sem betur fer er þetta ekki mikill texti, sirka 20 orð á hverju spili, en í hverjum leik eru þrjú spil.
Lágmarksaldur á kassanum er 8 ára en persónulega þætti mér að hann ætti að vera í kringum 10 ára, því þó að leikurin sjálfur sé ekki flókin þá er að mörgu að huga.
Við tökum Kingdom Builder reglulega úr hilluni og mér þykir alltar gaman að spila það
Þorri –
Við hjónin tókum Kingdom Builder aftur upp eftir langt hlé til að rifja spilið upp, og það verður að segjast að þetta spil eldist mjög vel. Við erum núna búin að spila það tveggja manna nokkuð oft og erum bæði mjög sátt. Fjótlegt að setja upp og taka saman, og rúllar vel. Hæfileg blanda af heppni (hvaða spil dregur þú?) og kænsku (hvernig notar þú spilið þitt og bónusana?).
Þegar fleiri spila koma ný element inn, því að þá verður þrengra á borðinu. Gott þá líka.