King of Tokyo (enskt)

(4 umsagnir viðskiptavina)

7.960 kr.

Aldur: 8 ára og eldri
Fjöldi: 2-6 leikmenn
Spilatími: 30 mín.
Höfundur: Richard Garfield

* Uppselt *

Vörunúmer: SPSF1-0328 Flokkur: Merki: ,
You must register to use the waitlist feature. Please login or create an account
Skoðað: 12

spilavinir reglur a netinuEinfalt og andstyggilega skemmtilegt teningaspil!

Leikmenn bregða sér í hlutverk stökkbreyttra skrímsla, risavaxinna vélmenna og geimvera sem ganga í gleði sinni berserksgang um Tókýó með það að markmiði að vera hinn eini sanni konungur borgarinnar.

King of Tokyo er einfalt spil sem auðvelt er að læra en umfram allt mjög skemmtilegt, þar sem heppni og örlítil herkænska er lykillinn að kvikindislegum sigri. Leikmenn kasta sex teningum, þrisvar sinnum í röð, allir með táknum fyrir eyðileggingu, orku, lækningu eða árás. Þegar leikmaður á umferð, safnar hann teningunum saman til að vinna inn orku, lækna skrímsli eða bara til að til ráðast á annan leikmann. Að auki er hægt að kaupa sérstök spil með orku til að öðlast einstaka krafta eins og auka höfuð sem leyfir leikmanni að kasta auka teningi, brynvörn, dauðageisla og fleiri. Ofsafengnasti leikmaðurinn verður konungur Tókýó… en mun þá standa einn andspænis hinum skrímslunum! Sá sem fær fyrstur 20 stig eða stendur einn uppi á vígvellinum sigrar.

VERÐLAUN OG VIÐURKENNINGAR

  • 2014 Gra Roku Game of the Year – Sigurvegari
  • 2013 Nederlandse Spellenprijs Best Family Game – Sigurvegari
  • 2013 Juego del Año Tico – Tilnefning
  • 2013 Hra roku – Tilnefning
  • 2013 Guldbrikken Best Family Game – Sigurvegari
  • 2013 Boardgames Australia Awards Best International Game – Tilnefning
  • 2012 Ludoteca Ideale – Sigurvegari
  • 2012 Gouden Ludo – Tilnefning
  • 2012 Golden Geek Best Thematic Board Game – Tilnefning
  • 2012 Golden Geek Best Party Game – Sigurvegari
  • 2012 Golden Geek Best Family Board Game – Sigurvegari
  • 2012 Golden Geek Best Children’s Game – Sigurvegari
  • 2012 Golden Geek Best Board Game Artwork/Presentation – Tilnefning
  • 2012 As d’Or – Jeu de l’Année – Tilnefning
  • 2011 Lys Grand Public – Úrslit
  • 2011 Lucca Games Best Family Game – Tilnefning
  • 2011 Japan Boardgame Prize Voters’ Selection – Tilnefning
  • 2011 Golden Geek Best Party Board Game – Tilnefning
Aldur

Athugið

Varan hentar ekki börnum yngri en þriggja ára þar sem hún getur innihaldið smáa hluti

Fjöldi leikmanna

, , , ,

Útgefandi

,

Fjöldi púsla
Útgáfuár

4 umsagnir um King of Tokyo (enskt)

  1. Avatar of Hjalti Þorsteinsson

    Hjalti Þorsteinsson

    Eitt af bestu spilunum sem ég hef keypt. Ég mæli hiklaust með því fyrir alla sem skilja ensku.

    Leikurinn snýst að mestu um að kasta teningum og velja hvaða teninga þú vilt ‘geyma’ og hverjum þú vilt henda aftur líkt og í Yahtzee. Þú gerir þannig árás á óvini þína, safnar stigum eða safnar orku til að kaupa spil. Sá vinnur sem er fyrstur að fá 20 stig eða sá sem síðastur eftir lifandi.

    Spilið virkar frábærlega fyrir alla aldurshópa að mínu mati. Ég keypti spilið handa 10 ára tengdasystur minni og hún elskar það. Það verður hins vegar að vera alla vega einn leikmaður sem kann ensku til að geta lesið spilin til að byrja með. En með tímanum er auðvelt að læra hvað flest spilin gera.

    Spilið snýst eiginlega allt út á áhættu. Viltu kasta teningunum aftur í von um að fá eitthvað betra? Viltu fara í Tokyo þó að þú gætir dáið við það? Viltu hunsa hversu mikið líf þú átt eftir? í því felst á hversu marga mismunandi vegu leikurinn getur farið. Það eru svo gríðarlega mörg tækifæri til að auka áhættuna fyrir meiri hagnað að það er erfitt er að vita með vissu hver mun vinna. Leikurinn er líka mjög stuttur og á líklega aldrei eftir að taka meira en 30 mínútur. Mér þykir það alveg frábært þar sem einn helsti galli á spilakvöldum er að maður getur venjulega ekki spilað fleiri en tvo til þrjá leiki.

    Ef þú ert ekki fyrir löng spil, finnst gaman af samkeppni og getur bjargað þér í ensku, er þetta spilið fyrir þig.

  2. Avatar of Magni

    Magni

    Stutt og stútfullt af hasar. Hér er kastað teningum til að risaskrímslin ykkar geti barist hvort við annað. Mjög hentugt fyrir fjölskylduna.

  3. Avatar of Ingibjörg Jóna Magnúsdóttir

    Ingibjörg Jóna Magnúsdóttir

    Þetta er á topp 5 listanum! Setti inn umsögn á íslensku útgáfuna en hef bara spilað ensku, engu að síður rosalega skemmtilegt og flott spil.

  4. Avatar of Eidur S.

    Eidur S.

    Ef þú átt ekki King of Tokyo myndi ég líklegast kaupa mér King of New York frekar. Leikirnir eru mjög svipaðir nema King of Tokyo er aðeins einfaldari.

    Leikmennirnir keppa um að safna fyrst 20 stigum, eða koma öllum andstæðingum þínum niður í núll líf, en þá eru þau úr leiknum. Í hverri umferð er eitthvað skrímsli í Tokyo og ef það gerir árás ræðst það á alla hina leikmennina. Hins vegar ef skrímsli er ekki í Tokyo ræðst það aðeins á það sem er í Tokyo.

    Ég mæli mikið með Power Up! aukapakkanum fyrir þetta spil, það gefur skrímslunum ólíka krafta sem bætir heilmikilli fjölbreytni við leikinn.

    Spilið endar oft á því að vera mjög spennandi, en getur verið leiðinlegt fyrir þá sem duttu mjög snemma út að geta bara horft á, sérstaklega ef leikurinn dregst á langinn eða ef margir eru að spila.

Skrifa umsögn

This site uses Akismet to reduce spam. Learn how your comment data is processed.

Karfa
;