Kína árið 1570. Landið er undir stjórn Longqing keisara í Ming ættinni. Faðir hans, Jiajing keisari, stjórnaði landinu í mörg ár. Þrátt fyrir að vera kostgæfinn maður, þá var hann líka þekktur fyrir grimmd og eiginhagsmunagæslu. Þeir sem settu sig upp á móti honum lifðu yfirleitt ekki löngu lífi. Á meðan hann ríkti var ákveðinn stöðugleiki í landinu, en sérviska hans skildi landið eftir í lélegu ástandi, rotið að innan af spillingu.
Á þessum tíma var bannað með lögum að þiggja mútur, en það var hefð að skiptast á gjöfum. Þannig skiptist fólk á gjöfum við embættismenn þar sem það gaf dýra gjöf, en þáði verðlitla gjöf á móti. Þessi sögulega hefð var notuð sem lykilgangverk í spilinu.
Leikmenn taka sér hlutverk valdamikilla kínverskra fjölskylda sem reyna að ná áhrifum og völdum með því að múta embættismönnum fyrir ákveðin verkefni, skiptast á gjöfum í fjóra daga. Leikmenn fá stig á þennan hátt, og flest stig sigra spilið. En gætið að þessu: Þið verðið að fá áheyrn keisarans. Ef það tekst ekki, þá er allt til einskins.
Umsagnir
Engar umsagnir komnar