Margverðlaunað borðspil fyrir hressa krakka!
Gömul vofa býr í efsta skotinu í gömlum rústum. Nokkrir hugrakkir krakkar læðast hljóðlega upp drungalegan stiga sem liggur að skotinu. Þau vilja öll vera fyrst til að hræða gömlu vofuna með því að segja: BÖÖÖ! En gamla vofan þekkir þennan aldagamla leik og án þess að krakkana gruni hefur hún lagt álög á teninginn þannig að þau breytast í drauga, hvert á eftir öðru.
Þegar leikmaður kastar teningnum og draugur kemur upp á sá leikmaður að breyta einhverju peði í draug með því að setja einn af draugunum, sem eru geymd við hliðina á leikborðinu, ofan á eitthvert peð annað hvort sitt eigið eða eitt af peðum annara leikmanna. Segulhatturinn smellur þá innan í draugnum og peðið hverfur! Leikmenn þurfa að muna undir hvaða draugi peðið þeirra er. Þegar öllum peðum hefur verið breytt í drauga og draugur kemur upp á teningnum er tveimur draugum víxlað á leikborðinu!
Sá leikmaður sem fyrstur nær upp til gömlu vofunnar og tekst að muna hver hann/hún er, þrátt fyrir allan ruglinginn, stendur uppi sem sigurvegari!
VERÐLAUN OG VIÐURKENNINGAR
- 2006 Årets Spel Best Children’s Game – Sigurvegari
- 2005 Vuoden Peli Children’s Game of the Year – Sigurvegari
- 2005 As d’Or – Jeu de l’Année – Tilnefning
- 2004 Spiel des Jahres Kinderspiel – Sigurvegari
- 2004 Kinderspielexperten “5-to-9-year-olds” – Þriðja sæti
- 2004 Japan Boardgame Prize Best Childgame – Sigurvegari
Petrína –
Mjög einfalt og skemmtilegt. Er með 7 og 9 ára sem skemmtu sér mjög vel með mér í þessu spili.
Inga Rut –
Einfalt og skemmtilegt spil sem mín 4 og 5 ára börn hafa mjög gaman að. Frekar stuttur spilunartími sem hentar yngstu spilurunum vel og þau eru mjög spennt í hvert skifti sem við spilum draugastigann
Íris Ósk –
Skemmtilegt spil, 8 ára og 10 ára skemmtu sér vel
Ásta Eydal –
Mjög skemmtilegt spil fyrir fjölskyldur. Hentar vel þar sem tíminn til að spila er ekki langur. Hægt að vera voða klókur þegar draugarnir eru komnir á alla og reyna svissa en þá er eins gott að fylgjast vel með sjálfur því það er auðvelt að ruglast sjálfur þegar maður reynir að rugla fyrir öðrum.
Kolbrún –
Skemmtilegt spil fyrir alla fjölskylduna, auðvelt fyrir eina 5 ára en eldri höfðu einnig gaman að þessu. Auðveldar leikreglur og virkilega skemmtilegt plot þegar maður þarf að hafa puttann á púlsinum.
Íris –
Spil sem kemur skemmtilega á óvart! Mikið hlegið (og smá grátið þegar kom í ljós að draugurinn var ekki réttur kall)
Ísak Jónsson –
Einfalt spil til að spila með ungum krökkum. Gengur út á minnisleik og rugling. Fín skemmtun en eldri krakkar hafa kannski minni áhuga á því.