Dice Manor

Hið heimsþekkta fyrirtæki Mundane Manors Inc. er að færa sig frá sömu gömlu, leiðinlegu „draumahúsunum“. Fyrirtækið ætlar að endurskapa sig og vill að þið, hönnuðirnir þeirra, hugsið STÓRT og skapið mestu lúxus-herrasetur sem nokkrum hefur dottið í hug.

Það ykkar sem getur byggt — og markaðssett — glæsilegasta herrasetrið sigrar!

Dice Manor spilast á fjórum umferðum, þar sem þið notið teningana ykkar til að bjóða í teikningar, fá auglýsingapláss, safna innblástursmerklum (e. inspiration token) og bjóðið í snemmbúnar hússýningar. Allt leiðir þetta í lokaumferðina þar sem þið haldið glæsilega opnunarsýningu á herrasetrinu ykkar — í von um að fá sem mest hrós frá samfélaginu. Það ykkar sem hlýtur mestan orðstír (mælt í stigum) sigrar!