Detective er samvinnuspil fyrir 1-5 leikmenn þar sem þeir rannsaka glæpi í sameiningu. Detective: Season one er stílað inn á fjölskyldur með styttri spilatíma og einfaldari reglur en áður hafa verið. Í kassanum eru þrjú mismunandi mál til að rannsaka. Hvert mál tekur um 90 mínútur.
- Blóð, blek og tár (e. Blook, ink and tears) gerist á Bretlandi, þar sem leikmenn ferðast til gamals herraseturs og uppgötva fjölskylduleyndarmál úr fortíðinni sem leiðir til vísbendinga sem benda til dularfulls dauðsfalls. Agatha Christie aðdáendur ættu að tengja við þessa sögu.
- Örugg fjarvistarsönnun (e. Solid alibi) setur leikmenn í miðjan bardaga á milli gengja og glæpamanna í ítalska hverfinu. Leikmenn þurfa ekki eingöngu að leysa glæpinn og finna út hver myrti Robert Parkson, heldur líka finna út hverjum er treystandi í þessum óróa.
- Náttúrlegar orsakir (e. Natural causes) fer með leikmenn í Virginíuháskóla í Bandaríkjunum ar sem prófessor Calvin Higgs fannst látinn í rannsóknarstofu sinni. Leikmenn þurfa að finna út hvort dauði hans sé af náttúrulegum orsökum, eða hvort einhver manneskja í kringum hann sé ábyrg fyrir dauða hans? Og hver væri ástæðan?
Spilið er líka þekkt sem Detective: A Modern Crime Board Game – Season One
Umsagnir
Engar umsagnir komnar