Í þessu skemmtilega spili sem er einskonar blanda af Ticket to Ride og Tetris er okkar gamla höfuðborg Kaupmannahöfn hér í aðalhlutverki, og þá sérstaklega Nýhöfn.
Í Copenhagen eru leikmenn að hanna framhlið á húsi við Nýhöfn. Leikmenn draga sér spil sem á eru myndir af flísum fyrir húsin. Ákveðin svæði á húsunum gefa svo aðgerðir sem duga út spilið. Hæðir sem eru eingöngu með gluggum gefa aukin stig.
Einfalt og gott fjölskylduspil.
VERÐLAUN OG VIÐURKENNINGAR
- 2019 Guldbrikken Best Family Game – Sigurvegari
- 2019 Årets Spil Best Adult Game – Tilnefning
- 2019 5 Seasons Best International Family Game – Tilnefning
Þorri –
Skemmtilegt spil sem er einskonar blanda af Ticket to Ride og Tetris. Maður dregur spil (eins og í Ticket to Ride), til að safna settum á hendi, en notar þau til að kaupa flísar og leggja þær niður (eins og í Tetris) til að byggja framhlið á húsi í Nyhavn.
Sigurlaug –
Mjög skemmtilegt spil. Blanda af Ticket to ride og Tetris. Hefur eiginleika úr Ticket to ride þ.e. velja spil í ákveðnum litum og leggja þau niður til að framkvæma ákveðna aðgerð. Kubbarnir eru eins og tetriskubbar þar sem markmiðið er að púsla þeim saman á skynsamlegan hátt. Þetta er vinsælt á spilakvöldum þar sem eru 2-4 spilarar.
Unnur Ýr Konráðsdóttir –
Mjög fínt spil sem kitlar skemmtilega nostalgíu taugar gamalla tetris unnenda. Strategískt spil sem líkist að nokkru leiti Ticket to Ride. Gott fjölskylduspil.
Steinunn (staðfestur eigandi) –
Fjölskyldan er mjög hrifin af þessu fallega spili. Hentar frá 6 ára. Einfaldar reglur en mikil taktík. Mæli með
Stefán Ingvar Vigfússon –
Uppáhalds tetrisspilið mitt, eiginlega blanda af Ticket to ride og Patchwork, þar sem fjögur geta spilað. Mjög skemmtilegt gangverk, spennandi að fylgjast með árangri allra jafnóðum en einnig skemmtilegt að fela framvindu sína í því! Mæli mjög mikið með!