Concordia

(1 umsögn viðskiptavinar)

9.960 kr.

Aldur: 12 ára og eldri
Fjöldi: 2-5 leikmenn
Spilatími: 100 mín.
Höfundur: Mac Gerdts

Availability: Til í verslun

Vörunúmer: SPSF2-RGG499 Flokkur: Merki:
Skoðað: 65

Fyrir tvö þúsund árum réði Rómverska heimsveldið löndunum í kringum Miðjarðarhafið. Landamærin og héröðin voru friðsæl, lög og regla réðu ríkjum, og sameiginleg mynt. Viðskipti voru mikil á svæðinu og byggðu undir veldi rómverskra ætta sem ferðuðust um borgirnar. Leikmenn stjórna einni slíkri ætt og senda landnema sína til fjarlægustu hluta veldisins, spinna verslunarnetið sitt, og halda tryggð við réttu guðina — allt til þess að sigra!

Concordia er friðsælt kænskuspil sem gerist á tímum Rómverja. Í stað þess að nota heppni í teningakasti eða spilum, þá þurfa leikmenn að treysta á eigið hyggjuvit. Fylgist vel með andstæðingunum til að ráða í hver markmið þeirra eru og hvar þið getið tekið fram úr. Í spilinu eru landnemar sendir út frá Róm til að setjast að í borgum sem framleiða múrsteina, mat, verkfæri, vín og klæði. Hver leikmaður byrjar með sama sett af spilum og nær sér í fleiri spil á meðan á spilinu stendur. Þessi spil gegna tveimur hlutverkum:

  1. Þau gera leikmönnum kleift að velja aðgerðir í spilinu.
  2. Þau gilda sem stig í lok spilsins.

Concordia er kænskuspil þar sem þarf að áætla fram í tímann og sjá fyrir hreyfingar andstæðinganna. Hvert spil er öðruvísi, því röðun spilanna sem eru til sölu er alltaf mismunandi, og líka framleiðslan í borgunum. (Önnur hlið kortsins sýnir Róverska heimsveldið með 30 borgum fyrir 3-5 leikmenn, og hin sýnir Rómversku Ítalíu með 25 borgum fyrir 2-4 leikmenn.) Þegar öll spilin hafa verið seld, eða fyrsti leikmaðurinn byggir 15. húsið sitt, þá lýkur spilinu. Leikmaðurinn sem er með flest stig frá guðunum (Júpíter, Satúrnus, Merkúr, Mínerva, Vesta o.fl.) vinnur spilið.

VERÐLAUN OG VIÐURKENNINGAR

  • 2015 Nederlandse Spellenprijs Best Expert Game – Sigurvegari
  • 2014 Kennerspiel des Jahres – Tilnefning
  • 2014 Jogo do Ano – Tilnefning
  • 2014 International Gamers Award – General Strategy: Multi-player – Tilnefning
  • 2013 Meeples’ Choice – Sigurvegari
Fjöldi leikmanna

, , ,

Aldur
Útgefandi

Fjöldi púsla

1 umsögn um Concordia

  1. Avatar of Klara Ingólfsdóttir

    Klara Ingólfsdóttir

    Topp fimm uppáhalds spilið mitt eins og staðan er í dag. Við elskum að grípa í það og fáum okkur eins og eitt rauðvínsglas með, í takt við þemað. Spilum það oft tveggja manna en það er líka mjög gott fjögurra manna, þá er meiri samkeppni um svæðin, því ef einhver er komin á svæði á undan þér þá er dýrara fyrir þig að byggja þar. Mæli með Creta kortinu ef þið spilið mikið tveggja manna því það er þéttara, það þarf að kaupa það aukalega.

Skrifa umsögn

This site uses Akismet to reduce spam. Learn how your comment data is processed.

Karfa
;