Codex Naturalis

Í Codex Naturalis þurfið þið að halda áfram vinnu myndskreytarans og munksins Tybor Kwelein, og raða saman blaðsíðum handrits sem listar tegundir dýra sem búa í helsu skógum. Getur þú sett síðurnar saman á besta hátt mögulegan? Getur þú fórnað tegund til að þróa handritið betur?

Í spilinu er hver leikmaður með eitt spil á borðinu fyrir framan sig. Spilið sýnir einhverja samsetningu á fjórum mögulegum auðlindum á miðju spilinu, í hornunum, eða bæði. Leikmenn hafa líka tvö auðlindaspil og eitt gullspil á hendi, á meðan eru tvö af hverri tegund spila sýnileg á borðinu.

Þégar þú átt leik, þá setur þú spil af hendi yfir eitt eða fleiri horn á spilum sem þú hefur þegar sett út. Fyrsta spilið sem þú byrjar með er með fjögur horn í boði, á meðan auðlindir og gull eru bara með þrjú. Þú mátt spila út spili á grúfu, ef þú vilt. Slík spil gefa engin stig, en hafa fjögur horn og eina auðlind. Eftir þinn leik velur þú spil af borðinu, eða dregur efsta spilið úr bunkanum til að fylla á höndina.

Þegar einhver leikmaður er kominn upp í 20 stig, er umferðin kláruð og hver leikmaður fær svo einn leik í viðbót. Stig eru skoruð eftir því hve vel leikmönnum tókst að líka eftir tveimur markmiðum sem allir sjá, og einu markmiði sem hver fékk í leyni. Flest stig í hús skila sigri.