Í Auf der Hut (þýðir „vertu vakandi“ eða „farðu varlega“) vilt þú fylgjast vandlega með því sem aðrir gera svo þú getir sett réttan hatt á rétt fólk.
Til að stilla spilinu upp stokkar þú persónunum sér og höttunum sér, og leggur svo sjö persónur á borðið í röð svo þær sjáist, og hattaspil á grúfu fyrir ofan hverja þeirra. Svo skiptist þið á að:
- kíkja á hattaspil, og skila því aftur;
- skipta á tveimur hattaspilum án þess að kíkja á þau; eða
- snúa við hattaspili sem þú heldur passi við persónuna fyrir neðan. Er kúrekahatturinn á kúrekanum, víkingahjálmurinn á víkingnum, eða öllu heldur paraðir þú persónu við réttan hatt? Frábært! Þá máttu taka persónuna og hattinn, og setja fyrir framan þig. Svo fyllir þú leikborðið með nýrri persónu og nýjum hatti (á grúfu). Ef þú finnur töfrahatt, þá máttu taka hann og fylla á með nýjum hatti (á grúfu). Ef þú náðir ekki að para hatt og persónu, þá snýrðu hattinum við aftur og færð skallaspil.
Þegar ekki er hægt að fylla í leikborðið með nýrri persónu lýkur spilinu. Skallaspilin þín setur þú ofan á hatta á persónum sem þú hefur fengið — en töfrahatta máttu nota á persónur sem hafa skyndilega misst hárið.
Hver sem hefur flesta hatta sigrar!
Umsagnir
Engar umsagnir komnar