Spilavinir munu þann 25. júlí halda íslandsmeistaramót í spilinu Dominion. Það mun vera mánudagur og hefst mótið kl. 18:00.
Fyrir þá sem ekki þekkja er Dominion skemmtilegt og krefjandi borðspil sem byggir á spilastokkum.
Hver leikmaður byrjar með 10 spil en smátt og smátt kaupa leikmenn spil inn í stokkinn til að stækka og bæta sitt “konungsveldi”.
Einn leikur af Dominion tekur bara um 30 mínútur og hver leikur er mismunandi.
Á mótinu verða spilaðar þrjár umferðir af þriggja og fjögurra manna leikjum. Þeir sem koma stigahæstir úr þeim umferðum spila undanúrslita- og úrslita leiki upp á efstu sætin. Spilin geta komið úr öllum seríunum.
Auk verðlauna vinnur sigurvegarinn sér inn þátttökurétt á heimsmeistaramótinu í Dominion sem haldið er í Bandaríkjunum ár hvert.
Allir sem kunna Dominion eru velkomnir og verður kvöldið skemmtilegt og spennandi. Við verðum búin að fá send promospil frá framleiðandanum til að gefa öllum sem taka þátt auk þess sem keppt er um bikar og verðlaun.
Gott væri að skrá sig á mótið sem fyrst með því að melda sig hér á Facebook eða senda tölvupóst á spilavinir@spilavinir.is. Þátttökugjald er 1000 krónur.
