Skoðað: 373
Í Kingdomino eru leikmenn konungar að leita nýrra landi til að stækka ríki sitt. Einfalt og fljótlegt spil fyrir alla fjölskylduna.
Keppt er um flísar sem lagðar eru við kastalann sinn eins og domino-kubba. Ákveðin svæði gefa síðan stig eftir því hvað þau eru stór og fjölda kóróna á flísunum.
VERÐLAUN OG VIÐURKENNINGAR
- 2018 Hungarian Board Game Award – Tilnefning
- 2018 Boardgames Australia Awards Best International Game – Tilnefning
- 2017 Spiel des Jahres – Sigurvegari
- 2017 Nederlandse Spellenprijs Best Family Game – Tilnefning
- 2017 Gouden Ludo Best Family Game – Sigurvegari
- 2017 Gioco dell’Anno – Sigurvegari
- 2017 As d’Or – Jeu de l’Année – Tilnefning
- 2017 Årets Spil Best Family Game – Tilnefning
- 2016 Tric Trac – Tilnefning
- 2016 Golden Geek Best Family Board Game – Tilnefning
Erla (staðfestur eigandi) –
Einfalt og skemmtilegt. Sló í gegn hjá 8 ára syninum.
Magnús Halldór Pálsson –
Fallegt og skemmtilegt spil sem vann hin virtu Spiel des Jahres (Spil ársins) árið 2017. Þetta er gott fjölskylduspil og ágætis inngangur fyrir óvana spilara sem vilja setja sig inn í áhugamálið.
Sigurður Jón –
Þó svo að ég sé mikið fyrir veigameiri spil þá hef ég aldrei neitað mér um leik af Kingdomino. Þetta er bara svo svakalega vinalegt og litríkt spil sem að spilast hratt og auðveldlega. Reglurnar eru sáraeinfaldar en þrátt fyrir það koma oft upp skemtilegar og snúnar aðstæður sem maður þarf að vinna frammúr. Það spilast hratt og vel með hvort sem það eru 2, 3 eða 4 leikmenn.
Það eina sem ég hef út á það að setja er smávægilegt, en þegar að kemur að því að telja stigin þarf að telja og margfalda svo, og það er ekkert sem fylgir spilinu til að auðvelda manni það. Það er samt svo einfaldur reikningur að maður getur vel gert það í huganum og í versta falli bara á blaði eða í símanum. Þetta getur hinsvegar vafist fyrir yngri leikmönnum og þeir gætu þurft að reiða sig á fullorðin eða eldri krakka til að aðstoða sig.
8 ára er bara fínasti aldur fyrir þetta spil, en yngri krakkar geta vel spilað þetta ef þeir fá bara aðstoð við að telja saman stigin sín.
Þetta er eitt af mínum uppáhalds litlu fjölskylduspilum og í þessum skrifuðu orðum er ég búin að draga fram spilið og ætla mér að stökkva inn í stofu og spila einn snöggan leik af kingdomino við hvern sem kann að verða fyrir vegi mínum þar =)
Eyrún Sara Helgadóttir (staðfestur eigandi) –
Kingdomino er skemmtilegt fjölskylduspil sem krefst smá kænsku og hugsun en þegar maður er búin að læra inn á það þá skemmta sér allir konunglega. Mín 10 ára dóttir lætur sér sko ekki nægja að spila þetta spil bara 1x. 2-3 er málið. Og ekki skemmir fyrir að krakkarnir spreyta sig í smá margföldun í lok spils :)
Óskar Örn (staðfestur eigandi) –
Prýðilegt fjölskylduspil. Auðvelt að læra og hæfilega mikil strategía. Stutt spil og líklega gott fyrir þá sem hafa kannski ekki brennandi spilaáhuga og sem endast ekki heilu kvöldin.
Yngstu spilararnir okkar eru 10 ára og fíla þetta í botn.
Inga Björk Matthíasdóttir –
Fínt og einfalt spil sem hægt er að grípa í. Hentugt fyrir fjölskyldur.