Vinkonukvöld 10. júní
08. júní 2010
Fimmtudaginn 10 júní kl. 20 ætlum við að hafa vinkonukvöld aftur í Spilavinum. Ef þú hefur enn ekki komið á spilakvöld hjá okkur þá er tilvalið að koma núna. Við skemmtum okkur alltaf vel og þú getur spilað eitthvað sem þú hefur prófað áður eða lært eitthvað nýtt. Á síðasta vinkonukvöldi voru m.a. spilað Villa Paletti, Apples to appels, Blokus, Spurt að leikslokum, Bohnanza og fl.
Velkomið að koma með drykki. Endilega látið vinkonur ykkar vita af þessu spilakvöldi og bjóðið þeim að koma.
Hlökkum til að sjá ykkur,
Svanhildur og Linda
Bingó bingó bingó
31. maí 2010
Höfum loksins fengið bingóvörur aftur í verslunina. Tvær stærðir af bingóvélum, með þeim fylgja 18 spjöld og 150 flögur til að setja ofan á. Einnig höfum við fengið bingóspjöld með opnanlegum gluggum og svo einnota bingóspjöld.
Bingó er tilvalið í barnaafmælin og fjölskylduuppákomurnar.
Velheppnað spilakvöld
28. maí 2010
Frábært og velheppnað spilakvöld versluninni í gær. Góð mæting var og við spiluðum fullt af spilum eins og Dixit, Cash & Gun$, Jungle Speed, 10 days in Europe, Formula D, Scattegories, Skák, Chomino, Loopit, Apples to apples, Villa Paletti, Bakong, Blokus, Blink, 7ate9 og Super Circles.
Næstu spilakvöld verða: 10. júní (Vinkonukvöld) og 24 júní. Allir velkomnir.
Íslensku fótboltaspjöldin
28. maí 2010
Nýju íslensku fótboltaspjöldin voru að koma í hús. Nú eru eru 2 tegundir af pökkum, annar er með strákum og hinn með stelpum. Í báðum pökkunum er hægt að fá atvinnumann eða kona og er það blandað milli pakka.
Í sumar verða samtals 12 krakkar dregnir út og fá mynd af sér í 1000 draumaliðspakkum. Til að taka þátt þurfa krakkarnir að senda 10 draumaliðspakkningar á Draumaliðið eða setja það í umslag og skila því inn til okkar í Spilavini og þá eiga krakkarnir möguleika á að verða fótboltastjarna í sumar.