Kubb vikingaspilið

21. maí 2010

Kubb er vinsæll útileikur þar sem 2 lið keppa. Liðin geta verið með frá 1 leikmanni og upp í 6. Leikurinn gengur út það að fella alla kubba andstæðingsins og þar á eftir kónginn. Virkilega skemmtilegt spil m.a. í sumarbústaðinn, útileiguna, fyrir leikjanámskeið og í skóla. Skemmtun fyrir alla fjölskylduna. Eitt af betri útispilum sem hægt er að fá!

Vinkonukvöld í Spilavinum

17. maí 2010

Fimmtudaginn 20. maí n.k. kl. 20 ætlum við að hafa vinkonukvöld í Spilavinum. Við ætlum að spila saman spil eins og Apples to apples, Word on the Street, Scattergories, Alhambra og fleiri skemmtileg spil. 

Velkomið að koma með drykki. Endilega látið vinkonur ykkar vita.

Hlökkum til að sjá ykkur, 
Svanhildur og Linda

Nýju stokkarnir komnir í Spilavini

29. apríl 2010

Tvö ný spurningaspil eru komin í verslunina. Annað er ætlað yngri kynslóðinni en hitt áhugamönnum um HM í fótbolta.

Þeir sem þekkja Spurt að leikslokum ættu að kannast við sig en spilin sem koma út núna köllum við Spurt að leikslokum stokka. Nafnið helgast af því að þessi spil eru minni í sniðum en Spurt að leikslokum. Hvert um sig hefur að geyma einn spurningastokk, og svo auðvitað nóg af spilaspjöldum líka.

Stokkana er hægt að spila eina og sér, eða nota með Spurt að leikslokum.

Verðið á hvorum stokk er 1.890 kr.

Tilboð - Ef báðir stokkarnir eru keyptir saman er 10% afsláttur.

Spilakvöld 29. apríl

27. apríl 2010

Spilavinir hafa haldið opin spilakvöld síðasta fimmtudag í hverjum mánuði og nú er komið að spilakvöldi aprílmánaðar. Spilakvöldið verður í versluninni Spilavinum fimmtudaginn 29. apríl kl. 20. Fullt af spilum eru á staðnum, en endilega komið með spil sem ykkur langar til að spila, kenna öðrum og læra.

Markmið kvöldsins er að hafa gaman og læra ný spil.

Spilavinir eru búnir að flytja um húsnæði og eru komnir 8 metra til hægri. Það ætti samt ekki að vera erfitt að finna þetta því búðin er enn í sömu byggingu, Langholtsvegi 126.

Hlökkum til að sjá ykkur.
Svanhildur og Linda