Dixit leikur á Facebook
12. júlí 2010
Spilavinir ætla að fara af stað með Dixit leik á Facebook. Leikurinn virkar þannig að við birtum 5 myndir af Dixit spjöldum ásamt einni vísbendingu sem á við eitt spjaldið. Þið eigið að giska á spjaldið sem vísbending á við. Við drögum svo úr réttum svörum eftir viku eða 19. júlí. Í verðlaun er eintak af þessu frábæra Dixit spili. Nú er um að gera á láta vini sína vita af okkur :)
Taktu þátt í leiknum okkar á facebook og veldu mynd sem þér finnst passa við vísbendinguna. Er það spjald 1, 2, 3, 4 eða 5?
Hér er fyrsta vísbendingin: Er þetta lífið?
Dixit - Spil ársins 2010
30. júní 2010
Síðastliðinn mánudag var hið margverðlaunaða spil Dixit valið "Spil ársins 2010" í Þýskalandi (Spiel des Jahres). Þessi stórkostlega viðurkenning eru tíundu verðlaunin sem Dixit hefur fengið frá 2009, enda er þetta frábært fjölskyldu- og partíspil.
Dixit inniheldur 84 glæsileg spjöld sem hvert og eitt er með mismunandi myndum eftir listakonuna Marie Cardouat. Spilið gengur út á að leikmenn skiptast á að vera sögumaður. Sá sem er sögumaður velur spjald af hendi og notar orð, setningu, hljóð eða bara hvað sem er til að lýsa spjaldinu sínu. Þá veljur hver eitt af sínum spilum sem þeim finnst passa við lýsingu sögumannsins. Allir leggja spilið sem þeir völdu á hvolf, sögumaðurninn stokkar spilin og snýr þeim svo upp. Að lokum eiga allir að reyna að giska hvaða spjald sögumaðurinn á. Ef enginn giskar á rétt spjald — eða allir giska á það — þá fær sögumaðurinn engin stig. Þannig þarf sögumaðurinn að passa sig að vera ekki með of augljósa lýsingu, né of erfiða.
Leikmenn skiptast á að vera sögumaður þar til spilin eru búin og sá sem er með flest stig vinnur.
Dixit er einfalt að spila, með einföldum reglum sem er auðvelt að kenna. Jafnvel þeim sem ekki spila borðspil að jafnaði. Hægt er að lýsa spilinu sem myndrænu Fimbulfambi.
Spilið er fyrir 3-6 leikmenn og tekur um 30 mín. að spila.
Krakka sprengjuspilið
25. júní 2010
Krakka sprengjuspilið (Pass the bomb jr.) er komið á íslensku í verslunina.
Markmið leiksins er að vera snöggur að finna orð sem passar við myndina á spilunum og láta sprengjuna ganga til næsta leikmanns áður en hún springur!
Sprengjan tifar í 10-60 sekúndur og ef þú heldur á henni þegar hún springur... verður þú að geyma spjaldið. Myndirnar sem geta komið sýna mismunandi aðstæður eða staði og þú þarft að vera fljótur að hugsa orð sem tengjast þeim og aldrei má nota sama orðið tvisvar.
Æsispennandi spil fyrir alla fjölskylduna! Tilvalið í fríið, útleiguna eða ættarmótin.
Nýtt kefli í Jungle Speed
10. júní 2010
Vorum að fá nýja sendingu af Jungle Speed í hús. Búið er að breyta keflinu og nú er það aðeins stærra og úr plasti. Við vonum auðvitað að nýja keflið verði til að koma í fyrir færri Jungle Speed slys. Þannig að hjálmar ættu að vera óþarfir :)
Vinkonukvöld 10. júní
08. júní 2010
Fimmtudaginn 10 júní kl. 20 ætlum við að hafa vinkonukvöld aftur í Spilavinum. Ef þú hefur enn ekki komið á spilakvöld hjá okkur þá er tilvalið að koma núna. Við skemmtum okkur alltaf vel og þú getur spilað eitthvað sem þú hefur prófað áður eða lært eitthvað nýtt. Á síðasta vinkonukvöldi voru m.a. spilað Villa Paletti, Apples to appels, Blokus, Spurt að leikslokum, Bohnanza og fl.
Velkomið að koma með drykki. Endilega látið vinkonur ykkar vita af þessu spilakvöldi og bjóðið þeim að koma.
Hlökkum til að sjá ykkur,
Svanhildur og Linda
Fleiri greinar...
Síða 1 af 4